లోయలో పడిన బస్సు.. 16 మంది అమర్‌నాథ్ యాత్రికుల మృతి

అమర్‌నాథ్ యాత్రికులతో జమ్ము-శ్రీనగర్ హైవే మీదుగా వెళ్తున్న బస్సు లోయలో పడిన ఘటనలో 16 మంది ప్రయాణికులు దుర్మరణం చెందారు. జమ్మూ సమీపంలో.. రంబన్ జిల్లా నచా నల్లా దగ్గర ఈ ప్రమాదం జరిగింది. బస్సు లోయలో పడటంతో.. 20 మందికి పైగా గాయపడినట్టు సమాచారం. జమ్మూ నుంచి పహల్‌గామ్ వెళ్తుండగా.. బస్సు ప్రమాదానికి గురైంది. క్షతగాత్రులను హాస్పిటల్‌కు తరలించిన పోలీసులు.. సహాయక చర్యలను చేపట్టారు.

#WATCH: Rescue operation by Army underway as bus carrying Amarnath Yatra pilgrims fell off road on Jammu-Srinagar highway in Ramban, 11 dead pic.twitter.com/f1anBmdtdd — ANI (@ANI_news) July 16, 2017
జూలై 10న రాత్రి సమయంలో అమర్‌నాథ్ యాత్రికులు వెళ్తున్న బస్సుపై ఉగ్రవాదులు దాడి చేయడంతో 8 మంది మరణించగా, భారీ సంఖ్యలో యాత్రికులు గాయపడిన సంగతి తెలిసిందే. అనంతనాగ్ జిల్లాలో పోలీస్ అవుట్‌పోస్ట్‌పై దాడి చేసిన ఉగ్రవాదులు.. అనంతరం బస్సుపై కాల్పులకు తెగబడ్డారు.