వదినపై ప్రేమతో అన్న ఆత్మహత్య.. తట్టుకోలేక చెల్లి సూసైడ్, అక్కడే ఖననం చేయాలంటూ లేఖ

ఇద్దరు అన్నలున్న ఆ అమ్మాయికి కజిన్ బ్రదర్ అంటే అమిత‌మైన ప్రేమ‌. ఆ అన్నకు ఆమెతో పాటు అతడి భార్యంటే చచ్చేంత ప్రేమ. అలాంటి కుటుంబంలో రోడ్డు ప్రమాదం చిచ్చురేపింది. యాక్సిడెంట్‌లో వ‌దిన దుర్మరణం పాలవడంతో.. ఆమె మరణాన్ని తట్టుకోలేక అన్న ఆత్మహ‌త్య చేసుకున్నాడు. ప్రాణానికి ప్రాణంగా చూసుకునే అన్న ఆత్మహ‌త్య చేసుకోవ‌డంతో ఆ చెల్లి కూడా అదే బాటలో నడిచింది. తాను కూడా అన్న వద్దకే వెళ్తానని, అన్నను ఖ‌న‌నం చేసిన చోటే తనను కూడా ఖ‌న‌నం చేయాల‌ని సూసైడ్ నోట్‌ రాసి ఆత్మహత్య చేసుకుంది. గుజ‌రాత్‌లోని అహ్మదాబాద్ జిల్లా రామోల్‌లో చోటు చేసుకున్న ఈ ఘటన కంటతడి పెట్టిస్తోంది.

రామోల్‌లోని ర‌వీన‌గ‌ర్‌లో నివాస‌ం ఉంటున్న దంపతులకు ఇద్దరు కుమారులు, ఒక కుమార్తె (17). ఆ అమ్మాయి కజిన్ బ్రదర్ కూడా వారి ఇంటికి సమీపంలోనే నివాసం ఉంటున్నాడు. ఆ క‌జిన్ బ్రద‌ర్ అంటే ఆమెకు ప్రాణం. అతడు ఆమెను అంత ప్రేమగా చూసుకుంటాడు మరి. అయితే.. ఇటీవల ఓ రోడ్డు ప్రమాదంలో క‌జిన్ బ్రద‌ర్ భార్య చనపోయింది.

త‌న భార్య లేని జీవితం ఎందుకని కజిన్ బ్రదర్ ఆత్మహత్య చేసుకున్నాడు. అన్న మరణవార్తతో ఆ అమ్మాయి తీవ్ర మ‌నస్తాపం చెందింది. అన్న లేని జీవితాన్ని ఊహించుకోలేక‌పోయింది. శ‌నివారం తన ఇంట్లో ఎవ‌రూ లేని స‌మ‌యంలో సీలింగ్ ఫ్యాన్‌కు చున్నీతో ఉరేసుకుని ఆత్మహత్య చేసుకుంది. ఉరేసుకున్న కుమార్తను చూసి త‌ల్లిదండ్రులు క‌న్నీరుమున్నీరయ్యారు.

కజిన్ బ్రదర్‌ను ఖ‌న‌నం చేసిన చోటే తనను కూడా ఖ‌న‌నం చేయాల‌ని ఆ అమ్మాయి సూసైడ్ నోట్‌లో రాసిపెట్టింది. ఘటనపై పోలీసులు కేసు న‌మోదు చేసుకొని ద‌ర్యాప్తు చేప‌ట్టారు. మైనర్ బాలిక మృత‌దేహానికి పోస్టుమార్టం నిర్వహించి కుటుంబ స‌భ్యుల‌కు అప్పగించారు.

Also Read: అప్పుడే పుట్టిన బిడ్డను వదిలేసి కరోనా రోగి పరారీ

Must Watch: ఎస్‌ఐకి కలెక్టర్ సెల్యూట్.. ఆమె చేసిన పనికి ఫిదా, డయాస్‌పైనే గౌరవం