మహిళ గ్యాంగ్ రేప్.. వాట్సాప్‌లో వీడియోలు

ఉత్తరప్రదేశ్‌లో మానవ మృగాల వికృత చేష్టలు కొనసాగుతూనే ఉన్నాయి. రాష్ట్రంలోని బస్తీ జిల్లాలో 20 ఏళ్ల ఓ మహిళపై ఐదుగురు వ్యక్తులు సామూహిక అత్యాచారానికి పాల్పడ్డ ఘటన వెలుగులోకి వచ్చింది. ఈ మేరకు బాధితురాలు పోలీసులకు పిర్యాదు చేసింది. నిందితులు తనను అపహరించి అఘాయిత్యానికి పాల్పడ్డారని, ఆ కీచక పర్వా్న్ని సెల్‌ఫోన్లలో చిత్రీకరించారని బాధిత మహిళ పోలీసులకు తెలిపింది. జరిగిన విషయం గురించి ఎవరికైనా చెబితే.. రేప్ వీడియోలను సోషల్ మీడియాలో పెడతామంటూ బెదిరించారని చెప్పింది.

ఘటన జరిగిన 48 గంటల తర్వాత బాధిత మహిళ పోలీసులను ఆశ్రయించింది. అప్పటికే కొన్ని వీడియోలు వాట్సాప్‌లో వైరల్‌గా మారినట్లు తెలుస్తోంది. కేసు నమోదు చేసుకున్న పోలీసులు దర్యాప్తు ప్రారంభించారు.