ఎగ్జిట్ పోల్స్: గుజరాత్, హిమాచల్‌లో బీజేపీకే విజయం

గుజరాత్ ఎన్నికల్లో ఈసారి ఎలాగైనా విజయం సాధించాలని బీజేపీ, కాంగ్రెస్‌లు ప్రతిష్ఠాత్మకంగా తీసుకున్నాయి. దీంతో దేశమంతా ఉత్కంఠగా ఎదురు చూస్తోంది. గుజరాత్‌ శాసనసభ ఎన్నికల పోలింగ్‌ గురువారం సాయంత్రం ముగిసింది. ప్రధాని నరేంద్ర మోదీ, కాంగ్రెస్‌ అధ్యక్షుడిగా బాధ్యతలు చేపట్టనున్న రాహుల్‌గాంధీలు హోరాహోరీ ప్రచారం సాగించారు. జీఎస్టీ అమలు తర్వాత జరుగుతున్న ఎన్నికలు కావడంతో అత్యంత ప్రాధాన్యమేర్పడింది. 22 ఏళ్లుగా గుజరాత్‌ కోటలో కాషాయ జెండా ఎగరడంతో ఈ సారి ఎలాగైనా అధికారం దక్కించుకోవాలని కాంగ్రెస్‌ తీవ్రంగా ప్రయత్నించింది. కానీ... మోదీ చరిష్మా, అభివృద్ధి ప్రచారస్త్రంగా పోరాడిన భాజపా ఓటర్లను తమవైపు తిప్పుకోగలిందని ఎగ్జిట్‌పోల్స్‌ వెల్లడిస్తున్నాయి. హిమాచల్‌ప్రదేశ్‌, గుజరాత్‌లో భాజపా విజయం సాధిస్తుందని ఎగ్జిట్‌పోల్స్‌ స్పష్టం చేస్తున్నాయి. ఈ రెండు రాష్ట్రాల్లో ఓట్ల లెక్కింపు ఈ నెల 18న జరగనుంది.
గుజరాత్‌ మొత్తం స్థానాలు: 182

టైమ్స్‌ నౌ-వీఎంఆర్‌ : భాజపా 109, కాంగ్రెస్‌ 70, ఇతరులు 3

సీఎన్‌ఎన్‌- ఐబీఎన్‌ : భాజపా 109, కాంగ్రెస్‌ 70, ఇతరులు 3

రిపబ్లిక్‌ -సీ వోటర్‌: భాజపా 108, కాంగ్రెస్‌ 74, ఇతరులు 0

ఏబీపీ- సీఎస్‌డీఎస్‌: భాజపా 117, కాంగ్రెస్‌ 64, ఇతరులు 1

రిపబ్లిక్‌- జన్‌కీ బాత్‌: భాజపా 108, కాంగ్రెస్‌ కూటమి 74

జీ న్యూస్‌- యాక్సిస్‌ : భాజపా 99-113, కాంగ్రెస్‌ 68-82, ఇతరులు 1

న్యూస్‌ 18- సీ ఓటర్‌: భాజపా 108, కాంగ్రెస్‌ 74, ఇతరులు 0

న్యూస్‌ నేషన్‌: భాజపా 124- 128, కాంగ్రెస్‌ 52-56, ఇతరులు 1-3

ఇండియా న్యూస్‌: భాజపా 110- 120, కాంగ్రెస్‌ 65-70, ఇతరులు 0-4

సహారా సమయ్‌: భాజపా : 110-120, కాంగ్రెస్‌ 65-70, ఇతరులు 0

యాక్సిస్‌: భాజపా 107, కాంగ్రెస్‌ 74, ఇతరులు 1


హిమాచల్‌ప్రదేశ్‌ మొత్తం స్థానాలు: 68

ఇండియాటుడే: భాజపా 47-55, కాంగ్రెస్‌ 13-20, ఇతరులు 2

టైమ్స్‌ నౌ: భాజపా 51, కాంగ్రెస్‌ 16, ఇతరులు 1

ఏబీపీ- సీఎస్‌డీఎస్‌: భాజపా 32-38, కాంగ్రెస్‌ 16-22

వీడీపీఏ: భాజపా 56, కాంగ్రెస్‌ 10, ఇతరులు 2

సమయ్‌ సీఎన్‌ఎక్స్‌: భాజపా 42-50, కాంగ్రెస్‌ 18-24, ఇతరులు 0-2

జీ న్యూస్‌ - యాక్సిస్‌ : భాజపా 51, కాంగ్రెస్‌ 17, ఇతరులు 0