UP ఎన్నికలు: పోలింగ్ 64%, రూ.34 కోట్లు జప్తు!

న్యూఢిల్లీ: ఉత్తర ప్రదేశ్ తొలి దశ ఎన్నికలు శనివారం సాయంత్రానికి ముగిశాయి. మొత్తం 403 సీట్లకు గాను.. 73 సీట్లకు పోలింగ్ జరిగింది. ఉదయం ఎనిమిది గంటల నుంచి సాయంత్రం 6 గంటల వరకు 64.22 శాతం పోలింగ్ జరిగింది. 2012లో జరిగిన ఎన్నికల్లో మొత్తం 61 శాతం ఓటింగ్ నమోదైంది. ఎన్నికలు సందర్భంగా ఇక్కడ చెదురుమదురు ఘటనలు నమోదయ్యాయి. ఎన్నికల సంఘం అధికారులు తెలిపిన వివరాలు ఇలా ఉన్నాయి.

• రూ.19.56 కోట్ల నగదు, 4.44 లీటర్ల మద్యం, రూ.14 కోట్లు విలువ చేసే బంగారం, వెండి స్వాధీనం చేసుకున్నారు.
• మొత్తం 13 పెయిడ్ న్యూస్ ఫిర్యాదులు ఈసీకి అందాయి.
• 3,888 డిజిటల్, వీడియో కెమేరాలతో ఎన్నికలపై నిఘా ఉంచారు. 2,857 ప్రాంతాల్లో వెబ్‌కాస్టింగ్ నిర్వహించారు.
• యూపీలో మొత్తం 2.60 కోట్ల మంది ఓటర్లు ఉన్నారు. వీరిలో 1.17 కోట్ల మంది మహిళలు, 1,508 ట్రాన్స్ జెండర్లు ఉన్నారు.
• మొత్తం 839 అభ్యర్థులు బరిలో నిలిచారు.
• 403 నియోజకవర్గాలకు గాను మొత్తం ఏడు దశల్లో ఈ ఎన్నికలు నిర్వహిస్తున్నారు.