రాత్రి పెళ్లయ్యింది.. ఉదయం పరీక్ష రాసింది

అమ్మాయి ఇంటర్ చదువుతోంది. చదువు మధ్యలోనే ఇంట్లో వాళ్లు పెళ్లి చేయాలని భావించారు. ఆమెకు ఓ సంబంధం కుదిర్చారు. అయితే సరిగ్గా పెళ్లి సమయానికే పరీక్షలొచ్చాయి. అటు వివాహం... ఇటు పరీక్షలు. అయినా ఆమె ధైర్యం కోల్పోలేదు. ఎలాగైనా చదువును కొనసాగించాలని భావించింది. ఇంట్లో వాళ్లకు తన నిర్ణయాన్ని చెప్పి ఒప్పించింది. ఆ యూపీ అమ్మాయి... ఇప్పుడు ఎంతోమందికి ఆదర్శంగా నిలుస్తోంది. ఆగ్రాకు చెందిన ఇంటర్ చదవుతున్న యువతికి పెళ్లి కుదరింది. నాలుగైదు రోజులుగా పెళ్లి తంతుతో బిజీ, బిజీగా ఉంది. మెహిందీ, పెళ్లి కూతుర్ని చేయడం... ఇలా చాలా కార్యక్రమాలు జరిగాయి.



ఎలాగైనా పరీక్ష రాయాలనుకుంది... ఇంత హడావిడిలోనూ తీరిక దొరికిన సమయంలో చదువుపై దృష్టిపెట్టింది. ఇక రాత్రికి పెళ్లి తంతు ముగిసింది. తెల్లవారితే పరీక్ష. ఉదయం అందరి విద్యార్థులలాగే... పరీక్షకు హాజరయ్యింది. సెంటర్ దగ్గర చూసిన వారంతా షాకయ్యారు. రాత్రి పెళ్లి జరగడం ఏంటి... మళ్లీ పరీక్షకు ఎలా వచ్చిందా అని. చక్కగా పరీక్ష రాసి... తోటి విద్యార్థులు, టీచర్లు అభినందించారు. పెళ్లి తర్వాత చదువు పక్కన పెట్టిన ఎంతోమంది అమ్మాయిలకు... ఈ యువతి ఆదర్శంగా నిలిచింది. పెళ్లైనా చదువును నిర్లక్ష్యం చేయొద్దంటోంది యూపీ అమ్మాయి.