సార్వత్రిక ఎన్నికల్లో అఖండ మెజారిటీతో విజయాన్ని సొంతచేసుకున్న బీజేపీ వరుసగా రెండోసారి ప్రభుత్వాన్ని ఏర్పాటు చేసే దిశగా ముందుకు సాగుతోంది. మే 30న ప్రధానమంత్రిగా నరేంద్ర మోదీ ప్రమాణస్వీకారం చేసే అవకాశం ఉంది. అదేరోజు కేబినెట్ కూడా ప్రమాణ స్వీకారం చేయనున్నట్లు తెలుస్తోంది. దీనిపై శనివారం (మే 25) జరగనున్న ఎన్డీయే మిత్రపక్షాల సమావేశంలో నిర్ణయం తీసుకోనున్నారు. సాయంత్రం 5 గంటలకు పార్లమెంట్ సెంట్రల్ హాల్‌లో సమావేశం జరగనుంది. అయితే అంతకు ముందే బీజేపీ ఎంపీలు ప్రత్యేకంగా సమావేశంకానున్నారు.
మరోవైపు అమేథీలో రాహుల్‌గాంధీపై ఘనవిజయం సాధించిన స్మృతి ఇరానీ, రక్షణ మంత్రిగా ఉన్న నిర్మలాసీతారామన్‌‌కు కూడా మంత్రి వర్గంలో కీలక పదవులు దక్కే అవకాశముంది. వీరితోపాటు రాజ్‌నాథ్‌సింగ్‌, నితిన్‌గడ్కరీ, రవిశంకర్‌ ప్రసాద్‌, పీయుష్‌గోయెల్‌, నరేంద్రసింగ్‌ తోమర్‌, ప్రకాశ్‌ జవదేకర్‌ తదితరులకు మోదీ కేబినెట్‌లో చోటు దక్కనున్నట్లు తెలుస్తోంది. మిత్రపక్షాల్లో శివసేన, జేడీ(యు)లకూ కూడా కేబినెట్‌లో కీలక స్థానం లభించే అవకాశం ఉంది. అసాధారణ స్థాయిలో సీట్లను కైవసం చేసుకున్న తెలంగాణ, కర్ణాటక, బెంగాల్‌ రాష్ట్రాలకు కూడా మోదీ మంత్రివర్గంలో సముచిత స్థానం లభించనున్నట్లు తెలుస్తోంది.
మరోవైపు అమేథీలో రాహుల్‌గాంధీపై ఘనవిజయం సాధించిన స్మృతి ఇరానీ, రక్షణ మంత్రిగా ఉన్న నిర్మలాసీతారామన్‌‌కు కూడా మంత్రి వర్గంలో కీలక పదవులు దక్కే అవకాశముంది. వీరితోపాటు రాజ్‌నాథ్‌సింగ్‌, నితిన్‌గడ్కరీ, రవిశంకర్‌ ప్రసాద్‌, పీయుష్‌గోయెల్‌, నరేంద్రసింగ్‌ తోమర్‌, ప్రకాశ్‌ జవదేకర్‌ తదితరులకు మోదీ కేబినెట్‌లో చోటు దక్కనున్నట్లు తెలుస్తోంది. మిత్రపక్షాల్లో శివసేన, జేడీ(యు)లకూ కూడా కేబినెట్‌లో కీలక స్థానం లభించే అవకాశం ఉంది. అసాధారణ స్థాయిలో సీట్లను కైవసం చేసుకున్న తెలంగాణ, కర్ణాటక, బెంగాల్‌ రాష్ట్రాలకు కూడా మోదీ మంత్రివర్గంలో సముచిత స్థానం లభించనున్నట్లు తెలుస్తోంది.