కూతురిపై అత్యాచారం.. కోర్టులోనే భార్య హత్య!

9 నెలల కిందట కన్న కూతురినే రేప్ చేశాడనే ఆరోపణలు ఎదుర్కొంటున్న ఆ వ్యక్తి.. కోర్టు ప్రాంగణంలో అంతా చూస్తుండగానే భార్యపై దాడి చేసి చంపేశాడు. ఈ ఘటన అస్సాంలోని డిబ్రూగఢ్ జిల్లాలోని సెషన్స్ కోర్టు ప్రాంగణంలో ఈ ఘటన చోటు చేసుకుంది. పోలీసుల తెలిపిన వివరాల పూర్ణ నహర్ డేకా అనే వ్యక్తి కుమార్తెపై అత్యాచారం కేసులో అరెస్టయ్యాడు.

తొమ్మిది నెలల పాటు జైలు శిక్ష అనుభవించిన డెకా ఇటీవల బెయిల్‌పై విడుదలయ్యాడు. ఈ కేసులో భార్య ప్రత్యక్ష సాక్షిగా ఉంది. అత్యాచార ఘటనపై ఆమె స్వయంగా పోలీసులకు ఫిర్యాదు చేసింది. దీంతో ఆమెపై డేకా కక్ష పెంచుకున్నాడు.

గురువారం కేసు విచారణలో భాగంగా డేకా, అతడి భార్య రీటా కోర్టుకు వెళ్లారు. ఇద్దరు కోర్టు బయట ఉన్న బల్లపై కూర్చున్నారు. డేకా అకస్మాత్తుగా ఆమెను కొట్టడం మొదలుపెట్టాడు. తన వెంట తెచ్చుకున్న కత్తితో ఆమె గొంతు కోశాడు. ఆమెను వెంటనే ఆసుపత్రికి తరలించినా ఫలితం దక్కలేదు. డేకా మీడియాతో మాట్లాడుతూ.. తన కూతురిపై తాను అత్యాచారం చేయలేదని, తప్పుడు ఫిర్యాదు ఇచ్చినందుకే తన భార్యను హత్య చేశానని చెప్పాడు.