నదిలో పవిత్ర స్నానం చేస్తుండగా.. భర్తకు ముద్దుపెట్టిన భార్య.. పాపం ఆయనకు మూడింది!

ఉత్తరప్రదేశ్: అది అయోధ్యలోని సరయూ నది. భక్తులంతా నీళ్లలోకి దిగి పవిత్ర స్నానాలు చేస్తున్నారు. ఇంతలో నదిలో స్నానం చేస్తున్న ఓ జంట ముద్దులు పెట్టుకునే ప్రయత్నం చేసింది. వారిద్దరిని అలా చూసిన చుట్టు పక్కల వారిలో ఆగ్రహం కట్టలు తెంచుకుంది. అంతే.. భార్య ముద్దు పెడుతుండగా.. భర్తను పక్కకు లాగి నాలుగు తగిలించారు. భార్య తన భర్తను రక్షించే ప్రయత్నం చేసినప్పటికీ.. ఫలితం లేకపోయింది. అయోధ్యలో ఇలాంటి పాడు పనులను సహించేది లేదని తేల్చి చెప్పారు. భార్యాభర్తలిద్దర్నీ నదిలో నుంచి బయటకు పంపించేశారు. ఇందుకు సంబంధించిన వీడియో సోషల్ మీడియాలో వైరల్ అయ్యింది. దీంతో రంగంలోకి దిగిన పోలీసు ఉన్నతాధికారులు విచారణకు ఆదేశించారు. అయోధ్యలోని ఇంఛార్జ్ ఇన్స్‌పెక్టర్‌ను విచారణకు ఆదేశించి తగిన చర్యలు తీసుకోవాలని సూచించినట్లు ఆయోధ్య పోలీసులు ట్వీట్ చేశారు.
గంగా నదికి ఉన్న ఏడు ఉపనదుల్లో సరయూ నది ఒకటి. ఈ నదిని హిందువులు పవిత్రమైందిగా భావిస్తారు. శ్రీరాముడి జన్మస్థలమైన అయోధ్య నగరం సరయూ నది ఒడ్డునే ఉంది.