నకిలీ వీడియోలతో కన్నయ్యను కేసులో ఇరికించారు - ఆజాద్

ఢిల్లీ: జైల్లో ఉన్న జేఎన్‌యూ విద్యార్ధి నేత కన్నయ్య కుమార్ కు భద్రత కల్పించాలని కాంగ్రెస్ సభ్యుడు గులాంనబీ ఆజాద్ కోరారు. రాజ్యసభలో జీరో అవర్ సమయంలో ఆయన కన్నయ్య కుమార్ అంశాన్ని ప్రస్తావించారు. ఈ సందర్భంగా ఆజాద్ మాట్లాడుతూ అతన్ని అన్యాయంగా రాజద్రోహం కేసులో ఇరికించారని ఆరోపించారు. డూప్లికేట్ వీడియోలను సృష్టించి అతన్ని జైలుకు పంపించారని విమర్శించారు. కన్నయ్య తలకు వెలకడుతున్నారని.. నాలుక కోస్తే రూ.2 లక్షలు.. తలదీస్తే 11 లక్షలు ఇస్తామంటూ ప్రకటనలు వస్తున్నాయిని ... ఇలాంటి తరుణంలో అతనికి భద్రత కల్పించాల్సిన బాధ్యత ప్రభుత్వం ఉందన్నారు.
ఆజాద్ వ్యాఖ్యలకు స్పందించిన కేంద్ర మంత్రి నకిలీ వీడియోలపై దర్యాప్తు జరుపుతున్నామని వెల్లడించారు. అలాగే అతని భద్రత విషయంలోనూ జాగ్రత్తలు తీసుకుంటున్నట్లు డిప్యూటీ ఛైర్మన్ కురియన్ కు కేంద్ర మంత్రి ముఖ్తార్ అబ్బాస్ నఖ్వీ వివరణ ఇచ్చారు.