ఆ కీచకులిద్దరూ అరెస్టు

బెంగళూరులో డిసెంబర్ 31 రాత్రి ఎంతో అమ్మాయిలకు కాళరాత్రిలా మారింది. అందులో ఒకమ్మాయిపై జరిగిన లైంగిక దాడికి చెందిన సీసీటీవీ ఫుటేజీ వైరల్‌లా మారిన సంగతి తెలిసిందే. ఒంటరిగా నడుచుకుంటూ వస్తున్న అమ్మాయిని చూసి బైక్ పై వెళ్తున్న ఇద్దరు యూటర్న్ తీసుకుని వచ్చి బండాపి మరీ లైంగిక వేధింపులకు పాల్పడ్డారు. యువతి ఫిర్యాదు చేయనప్పటికీ ఆ వీడియోఫుటేజీని బట్టి పోలీసులు కేసునమోదు చేసి దుండగులను అరెస్టు చేశారు. వారిని లెనో, అయ్యప్పలుగా గుర్తించారు. కాగా ఆ ఇద్దరిలో ఒకరు దుకాణంలో సేల్స్ మేన్. బాధితురాలు తరచూ ఆ దుకాణానికి వెళుతూ ఉండేది. కనుక ఉద్దేశపూర్వకంగానే ఈ దాడి జరిగిందనే కోణంలోనూ విచారణ జరుగుతోంది.

బెంగూళూరులో జరిగిన కొత్త సంవత్సర వేడుకల్లో ఆకతాయిలు తప్పతాగి అమ్మాయిలపై సామూహికంగా లైంగిక దాడులకు పాల్పడ్డారు. వారి బట్టలు చించడం, ఎక్కడ పడితే అక్కడ తాకడం చేశారు. ఇది బెంగుళూరుకే అవమానకర ఘటనగా మారింది. దీనిని కర్ణాటక ప్రభుత్వం సీరియస్ గా తీసుకుంది. కొంతమంతి ఆకతాయిల్ని అరెస్టు కూడా చేశారు పోలీసులు. వాళ్లు తాగిన మైకంలోనే అలా చేశామని చెప్పారు.