నెత్తురోడిన నేషనల్ హైవే.. ఐదుగురు మృతి

కర్ణాటకలోని బీదర్ సమీపంలో 9వ నెంబర్ జాతీయ రహదారి నెత్తురోడింది. శనివారం ఉదయం అతివేగంగా వెళ్తున్న లారీ, కారు ఒకదానినొకటి ఢీకొన్న ప్రమాదంలో ఐదుగురు అక్కడికక్కడే మృతిచెందగా మరొకరికి తీవ్ర గాయాలయ్యాయి. గాయపడిన క్షతగాత్రుడిని స్థానికులు వెంటనే చికిత్స కోసం సమీపంలోని ఆస్పత్రికి తరలించారు. ప్రమాదంలో మృతి చెందిన వారి స్వస్థలం ఎక్కడ, ఎవరు అనే వివరాలు ఇంకా తెలియరాలేదు.

మితిమీరిన వేగమే ఈ ప్రమాదానికి కారణమైందని, అందువల్లే రెండు వాహనాలు అదుపు తప్పి ఒకదానినొకటి ఢీకొన్నాయని ప్రత్యక్షసాక్షులు, స్థానికులు తెలిపారు. కేసు నమోదు చేసుకున్న పోలీసులు మృతదేహాలని పోస్టుమార్టంకి తరలించారు.