‘ఎగ్జిట్ పోల్స్ తప్పు చెప్పాయ్..మేం నమ్మం’

ఉత్తర్ ప్రదేశ్ అసెంబ్లీ ఎన్నికల్లో బీజేపీ మెజార్టీ స్థానాలు గెలిచి అధికారం చేపట్టబోతుందని ఎగ్జిట్ పోల్స్ అన్ని కోడై కూస్తుండటాన్ని కాంగ్రెస్ ఉపాధ్యక్షుడు రాహుల్ గాంధీ తప్పుపట్టారు. ఈ ఒపినీయన్ పోల్స్ అని తప్పని, యూపీ ఎన్నికల్లో ఎస్పీ-కూటమి గెలిచి తీరుతుదని..అప్పుడు మాట్లాడతానని ఆయన అన్నారు.

‘‘2015 బిహార్ అసెంబ్లీ ఎన్నికల్లో బీజేపీ విజయం సాధిస్తుందని ఎగ్జిట్ పోల్స్ అన్ని ఢంకాభజాయించాయి. కానీ వాటి లెక్కలు తప్పాయి. మహాకూటమి (జేడీయూ-ఆర్జేడీ-కాంగ్రెస్) బ్రహ్మండమైన మెజార్టీ సాధించి అధికారం దక్కించుకుంది. ఉత్తర్ ప్రదేశ్ ఎన్నిల్లో మేం గెలుస్తాం. మార్చి11 (ఫలితా రోజు)న మాట్లాడతాం’’ అని రాహుల్ గాంధీ స్పష్టం చేశారు.

ఇదిలా ఉంటే...యూపీ ఎన్నికల్లో ఎస్పీ-కాంగ్రెస్ కూటమి ఓటమి పాలవుతుందని ఎగ్జిట్ పోల్స్ వెల్లడించడంతో అఖిలేష్ స్వరం మార్చారు. హంగ్ వచ్చే పరిస్థితి ఉంటే రాజకీయ విరోధి అయిన బీఎస్పీతో అయినా చేతులు కలిపి..బీజేపీని యూపీలో అడుగుపెట్టకుండా చేస్తామని చెప్పారు.