వీడియో: బాబోయ్.. ఇంట్లో 23 పాములు బుస్ బుస్!

సమీపంగా పాము కనబడిదంటే గుండెల్లో రైళ్లు పరుగెడుతాయి. ఆ పాము కాస్త ఇంట్లోకి వచ్చి తిష్ట వేసిందంటే.. ఇక దాన్ని వెతికి బయటకి తరమేదాకా ఇంట్లో అడుగు పెట్టాలంటేనే వణుకు. మరి ఇంట్లో ఒకేసారి 23 పాములు బుస్ బుస్ అంటే.. ఇక ఆ కుటుంబం పరిస్థితి ఎలా ఉంటుందో ఒక్కసారి ఊహించుకోండి. బీహార్‌లోని ముజఫర్‌పూర్‌లో ఓ కుటుంబానికి ఇదే పరిస్థితి తలెత్తింది.

విషసర్పం ఇంట్లోకి ఎప్పుడు ప్రవేశించిందో తెలియదు గానీ.. మొత్తం 22 పిల్లల్ని పెట్టింది. తల్లి సహా 23 పాములు బుస్ బుస్ అంటుంటే.. ఆ శబ్దాలకు కుటుంబసభ్యులు హడలిపోయారు. వెంటనే ఇంటికి తాళం పెట్టి స్థానిక అధికారులకు సమాచారం ఇచ్చారు. స్నేక్ రెస్క్యూ టీమ్‌తో కలిసి వచ్చిన మున్సిపల్ సిబ్బంది వచ్చి ఆ పాములన్నింటినీ పట్టి సంచిలో వేసుకొని తీసుకెళ్లిపోయారు. దూరంగా అడవిలో వదిలిపెట్టారు.

అదృష్టవశాత్తూ ఆ కుటుంబంలో ఏ ఒక్కరికీ ఆ సర్పాల వల్ల ప్రమాదం జరగకపోవడం ఊరట కలిగించే అంశం. ఆ పాములన్నింటినీ మున్సిపల్ సిబ్బంది తీసుకెళ్లిపోవడంతో వాళ్లు ఊపిరి పీల్చుకున్నారు. అయినా.. భయంభయంగానే ఉందని చెబుతున్నారు.

Also Read: బిగ్ రిలీఫ్: రష్యా వ్యాక్సిన్ వచ్చేస్తోంది.. అందరి కంటే ముందే!

Must Read: కరోనా వార్డులో ‘మందు’ తీసుకుంటున్న రోగి.. వీడియో వైరల్