కనిమొళి కరుణానిధి అక్రమ సంతానం.. బీజేపీ నేత సంచలన వ్యాఖ్యలు

డీఎంకే ఎంపీ కనిమొళిపై బీజేపీ జాతీయ కార్యదర్శి హెచ్ రాజా చేసిన వ్యాఖ్యలు సంచలనంగా మారాయి. ఆమెను కరుణానిధికి అక్రమ సంతానమంటూ ఆయన చేసిన ట్వీట్ పెద్ద దుమారాన్ని రేపుతోంది. గవర్నర్ వివాదంపై కనిమొళి చేసిన వ్యాఖ్యల్ని ప్రస్తావిస్తూ ఈ దారుణమైన ట్వీట్ చేశారు. పదో తరగతి కూడా పాస్ కాకుండా పేరు ముందు డాక్టర్ అని పెట్టుకోవడం ఏంటని రాజా ప్రస్తావించారు. అన్నామలై యూనివర్సిటీ విద్యార్థి ఉదయ్‌కుమార్‌ను హత్య చేసిన కుటుంబం ఇప్పుడు దీనిపై మాట్లాడటం హాస్యాస్పదంగా ఉందన్నారు.

గవర్నర్‌- మహిళా జర్నలిస్ట్ ఎపిసోడ్‌ను ప్రస్తావిస్తూ మరో దారుణమైన ట్వీట్ చేశారు రాజా... అక్రమ సంబంధం ద్వారా వచ్చిన... తన అక్రమ సంతానాన్ని ఎంపీని చేసిన ఆ నేతను ఇదే ప్రశ్న జర్నలిస్టులు అడుగుతారా? అడగలేరు.. ఎందుకంటే వాళ్లు భయపడతారు. చిదంబరం ఉదయ్‌కుమార్, అన్నానగర్ రమేష్, పెరంబలూర్ సాదిక్ బాషాలను ఏం చేశారో వాళ్లకు తెలుసన్నారు.


ఈ వ్యాఖ్యలు తమిళనాట తీవ్ర దుమారాన్ని రేపుతున్నాయి. రాజా తీరును తప్పుబడుతూ... డీఎంకే మహిళా నేతలు ఆందోళనలకు దిగారు. అక్కడక్కడా రాజా దిష్టిబొమ్మను దగ్థం చేశారు. అలాగే నెటిజన్లు కూడా బీజేపీ నేతపై మండిపడుతున్నారు. ఇలాంటి దిగజారుడు వ్యాఖ్యల చేయడం దారుణమంటున్నారు. ఆయనపై అధిష్టానం చర్యలు తీసుకోవాలని డిమాండ్ చేస్తున్నారు.