ప్రధాని మోడీ విద్యార్హతలు వెల్లడి

ఢిల్లీ:ప్రధాని మోడీ విద్యార్హతలకు సంబంధించిన డిగ్రీ సర్టిఫికెట్లను బీజేపీ అధ్యక్షుడు అమిత్ షా, కేంద్ర మంత్రి జైట్లీలు మీడియా ముందు ఉంచారు. మోడీకి సంబంధించిన డిగ్రీ సర్టిఫికెట్లపై గత కొన్ని రోజులుగా విదాదం నెలకొన్న నేపథ్యంలో అమిత్ షా, జైట్లీ ఈ మేరకు స్పందించారు. ఈ సందర్భంగా వారు మాట్లాడుతూ ప్రధాని మోడీ 1978వ ఏటా ఢిల్లీ వర్శిటీలో డిగ్రీ పట్టా పొందారని.. అలాగే గుజరాత్ వర్శిటీ నుంచి 1983లో దూర విద్య ద్వారా ఎంఏ పూర్తి చేసినట్లు వెల్లడించారు. 2014 ఎన్నికల అఫిడవిట్ లోనూ మోడీ ఇదే విషయాన్ని పేర్కొన్నారని అమిత్ షా,జైట్లీ వెల్లడించారు.




క్రేజీవాల్ క్షమాపణలు చెప్పాలి...
ప్రధాని విద్యార్హతలపై ఇలా స్పష్టత ఇవ్వాల్సిన పరిస్థితి రావడం దురదృష్టకరమని అమిత్ షా,జైట్లీ అన్నారు. మోడీపై తప్పుడు ఆరోపణలు చేయడం కేజ్రీవాల్ కు అలవాటుగా మారిందని... తాజాగా ఆయన విద్యార్హతలపై కేజ్రీవాల్ అసత్య ఆరోపణలు చేశారు. అందుకే వాస్తవాన్ని బయటపెట్టాలనే ఉద్దేశంతోనే ప్రధానికి సంబంధించిన డిగ్రీ సర్టిఫికెట్లను ఇలా మీడియా ముందు ప్రవేపెట్టడం జరిగిందన్నారు. కేజ్రీవాల్ తన తప్పును ఇప్పుడైనా తెలుసుకొని ప్రధాని మోడీకి క్షమాపణలు చెప్పాలని అరుణ్ జైట్లీ, అమిషా డిమాండ్ చేశారు.