Patna Airport: బీహార్‌లోని పాట్నా ఎయిర్పోర్టుకు బాంబు బెదిరింపులు వచ్చాయి. ఎయిర్ పోర్టులో బాంబు అమర్చినట్లు.. బుధవారం మధ్యాహ్నం Bomb threats రావడంతో.. పోలీసులు, ఎయిర్ పోర్టు అధికారులు అలెర్ట్ అయ్యారు. బాంబ్ స్క్వాడ్‌ను రప్పించారు. ఎయిర్ పోర్టుకు చేరుకున్న బాంబ్ స్క్వాడ్ సిబ్బంది.. విస్తృతంగా తనిఖీలు నిర్వహించారు. పాట్నా ఎయిర్ పోర్టు లోపల, బయటా, పార్కింగ్ ప్రాంతంలో బాంబు కోసం గాలించారు. ఇప్పటివరకు బాంబు ఉన్నట్లు ఆనవాళ్లు కనిపించలేదని తెలుస్తోంది.
Patna Airport: పాట్నా ఎయిర్పోర్టుకు బాంబు బెదిరింపు.. బీహార్‌లో హైఅలెర్ట్
Patna Airport: పంజాబ్‌లోని సైనిక శిబిరంలో కాల్పులు జరగడం.. తీవ్ర కలకలం రేపింది. ఆ ఘటన నుంచి బయటకు రాకముందే.. వరుసగా బాంబ్ బెదిరింపులు రావడం ఆందోళన కలిగిస్తోంది. తాజాగా.. బీహార్‌లోని పాట్నా ఎయిర్‌పోర్ట్‌కు బాంబు బెదిరింపులు వచ్చాయి. అటు ఢిల్లీలోని ఓ పాఠశాలకు కూడా బెదిరింపులు వచ్చాయి. దీంతో దేశంలోని కీలక నగరాల్లో పోలీసులు, అధికారులు అలెర్ట్ అయ్యారు. విస్తృతంగా తనిఖీలు నిర్వహిస్తున్నారు. దీంతో ప్రజల్లో ఆందోళన నెలకొంది.
ప్రధానాంశాలు:
- పాట్నా ఎయిర్ పోర్టుకు బాంబు బెదిరింపు
- ఢిల్లీలోని ఓ పాఠశాలకు బాంబు బెదిరింపులు
- పంజాబ్‌లోని సైనిక శిబిరంలో కాల్పులు
