ఫోటోషూట్‌ సల్లగుండ.. వధువు కిందపడిపోయింది!

ఫోటోషూట్, రీల్స్ కోసం వధూవరులు చేసే ఫీట్లు కొన్నిసార్లు అట్టర్‌ఫ్లాప్ అవుతున్నాయి. అలాంటిదే ఓ వీడియో సోషల్ మీడియాలో వైరల్ అవుతోంది. పెళ్లి ఫోటోషూట్‌ చేస్తుండగా ఓ వధువు కిందపడిపోయింది. బరువైన లెహెంగా వేసుకొని ఫోటోషూట్ స్టిల్స్‌లో భాగంగా పరుగెత్తుతూ కిందపడిపోయింది. ఇన్‌స్టాగ్రామ్‌లో పోస్ట్ చేసిన ఈ వీడియో వైరల్ అవుతోంది. ఏ మాట కామాట చెప్పుకోవాలి గానీ.. కిందపడినా, ఆత్మవిశ్వాసంతో ఆమె నవ్వులు చిందించిన తీరు వీడియోను అందంగా మార్చింది. ‘ఆ దృశ్యం చూసి వరుడు పడిపోయి ఉంటాడు’ అని నెటిజన్లు కామెంట్ చేస్తున్నారు.

‘మేరా దిల్ యే పుకారే ఆజా’ అనే పాపులర్ పాట బ్యాక్‌గ్రౌండ్‌లో ప్లే అవుతుండగా, హాలులో వధువు పరిగెత్తడం ఈ వీడియోలో కనిపిస్తుంది. వధువు వెనుక కెమెరామ్యాన్, లైట్‌మ్యాన్ పరిగెత్తుతారు. ఆమె తన లెహంగాను చూపించడానికి ముందుకు తిరుగుతుంది. ఈ ప్రయత్నంలో కిందపడిపోతుంది.

పెళ్లికూతురును పైకి లేపేందుకు లైట్ మ్యాన్ సాయం చేశాడు. బరువైన లెహెంగాతో పైకి లేచేందుకు ఇబ్బంది పడుతూ ఆమె పెద్దగా నవ్వింది. ఈ వీడియోకు ఇన్‌స్టాగ్రామ్‌లో 6.7 మిలియన్లకు పైగా వ్యూస్ వచ్చాయి.


‘అందమైన లెహంగా. మీరు నేలపై ఉన్నప్పుడు అది మరింత అందంగా ఉంది’ అని ఒక యూజర్ కామెంట్ చేశారు. ‘అంత పెద్ద లెహంగా ధరించి ఫోటోషూట్ చేయాల్సిన అవసరం లేదు’ అని మరొక యూజర్ కామెంట్ పెట్టారు. ‘వరుడు కూడా పడిపోయి ఉంటాడు’ అని మరొక యూజర్ చమత్కరించాడు.

తాగుడుకు బానిసైన వారికి పిల్లనివ్వకండి.. కోడలి గురించి చెబుతూ కేంద్ర మంత్రి
వాట్సాప్ లింక్ క్లిక్ చేసి.. 9 లక్షలు పోగొట్టుకున్న బ్యాంక్ ఉద్యోగిని
Also Read: Hyd: బాత్రూం మురుగుతో బడుగుజీవి సావాసం.. బిల్లు కట్టలేదని సీవరేజ్ కట్, 25 రోజులుగా నరకం