ఉగ్రవాదుల కుట్ర.. సరిహద్దులో మరో సొరంగం

సరిహద్దు వెంట పాక్ కుట్రలు కొనసాగుతూనే ఉన్నాయి. భారత్‌లోకి ఉగ్రవాదులు చొరబడేందుకు పన్నాగాలు చేస్తూనే ఉన్నారు. జమ్మూ కశ్మీర్‌లోని సరిహద్దు ప్రాంతాల్లో రహస్య సొరంగ మార్గాలను నిర్మిస్తున్నారు. తాజాగా కథువా జిల్లాలోని హీరానగర్‌ సెక్టార్‌లో బీఎస్‌ఎఫ్‌ అధికారులు మరో సొరంగాన్ని కనుగొన్నారు. 10 రోజుల వ్యవధిలో బీఎస్‌ఎఫ్‌ అధికారులు కనుగొన్న రెండో సొరంగం ఇది. అంతేకాదు, గత 6 నెలల వ్యవధిలో ఇది నాలుగో రహస్య సొరంగ మార్గం కావడం గమనార్హం.

భారత్‌, పాక్‌ సరిహద్దుల్లో బీఎస్‌ఎఫ్‌ సిబ్బంది చేపట్టిన యాంటీ టన్నెల్‌ ఆపరేషన్‌లో భాగంగా రహస్య సొరంగాన్ని కనుగొన్నట్లు అధికారులు తెలిపారు. జమ్మూ కశ్మీర్‌లోని హీరానగర్‌ సెక్టార్‌ పన్సార్‌ అవుట్పోస్ట్‌ ప్రాంతంలో ఈ సొరంగాన్ని గుర్తించినట్లు వెల్లడించారు.

బీఎస్‌ఎఫ్ గుర్తించిన ఉగ్రవాదుల సొరంగం ఇదే..

కశ్మీర్: ఉగ్రవాదుల రహస్య సొరంగం గుర్తింపు

ఈ సొరంగం పొడవు దాదాపు 150 మీటర్లు ఉందని, 30 అడుగుల లోతు ఉంటుందని బీఎస్‌ఎఫ్ అధికారులు తెలిపారు. ప్రస్తుతం ఆ ప్రాంతం మొత్తాన్ని జల్లెడ పడుతున్నట్లు చెప్పారు. జనవరి 13న హీరానగర్ సెక్టార్‌లోని బోబియాన్‌ గ్రామంలో 150 మీటర్ల పొడవున్న సొరంగాన్ని కనుగొన్నారు.

Also Read: ఏనుగు చెవికి నిప్పుపెట్టిన యువకులు.. గాయంతో విలవిల్లాడి మృతి