ప్రధానిని గౌరవించలేదని.. జవాన్ జీతంలో కోత!

ప్రధాని నరేంద్ర మోదీని గౌరవనీయ లేదా శ్రీ అని సంబోధించలేదనే కారణంతో ఓ బీఎస్ఎఫ్ జవాన్ జీతంలో కోతపడింది. ఇది ప్రధానిని అగౌరవపర్చాడనే అని భావించిన పైఅధికారులు పెనాల్టీగా ఏడు రోజుల జీతాన్ని కోతవేశారు. పశ్చిమబెంగాల్ నదియాలోని మహత్‌పూర్లో 15వ బెటాలియన్‌ హెడ్‌క్వార్టర్స్‌లో ఫిబ్రవరి 21న ఈ ఘటన చోటు చేసుకుంది. జీరో పరేడ్ సందర్భంగా.. రిపోర్ట్ ఇచ్చే సమయంలో కానిస్టేబుల్ సంజీవ్ కుమార్ ‘మోదీ ప్రోగ్రామ్’ అనే పదం వాడారు.

దీంతో బీఎస్ఎఫ్ చట్టంలోని సెక్షన్-40 కింద క్రమశిక్షణ చర్యలు తీసుకోవాలని కమాండెంట్ అనూప్ లాల్ భగత్ నిర్ణయించారు. సదరు కానిస్టేబుల్‌ ఏడు రోజుల వేతాన్ని కట్ చేశారు. ఇది ఒకింత కఠిన నిర్ణయమేనని సైన్యంలోని సీనియర్ అధికారులు టైమ్స్ ఆఫ్ ఇండియాకు తెలిపారు.