బర్గర్ కింగ్ ఇండియా బంపరాఫర్.. షేర్ కావాలా?

బర్గర్ కింగ్ ఇండియా లిమిటెడ్ కంపెనీ భారత్‌లో తొలి ఐదేళ్ల కార్యకలాపాల తర్వాత ఇప్పుడు పబ్లిక్ ఇష్యూకి వచ్చింది. క్యూఎస్ఆర్ చెయిన్‌లో భాగమైన Burger King India పబ్లిక్ ఇష్యూ బుధవారం (డిసెంబర్ 2) ప్రారంభమైంది. కంపెనీ షేర్ ధరను రూ.59 - 60గా నిర్ణయించింది. ఒక్కొక్కటి పది రూపాయల షేర్ వ్యాల్యూతో వీటిని జారీ చేస్తోంది.

ఈ ఇష్యూ డిసెంబర్ 4న ముగియనుంది. దీని కోసం దరఖాస్తు చేసే వారు కనీసం 250 షేర్లకు బిడ్ చేయాల్సి ఉంటుందని బర్గర్ కింగ్స్ ఇండియా సంస్థ తెలపింది. ఆ పైన కూడా అదే లెక్కన ఎన్ని షేర్లయినా దరఖాస్తు చేసుకోవచ్చని తెలిపింది. పబ్లిక్ ఇష్యూ ద్వారా కంపెనీ రూ.810 కోట్లు సమీకరించాలని లక్ష్యంగా పెట్టుకుంది. బర్గర్ కింగ్ షేర్లు డిసెంబర్ 14న స్టాక్ మార్కెట్లో లిస్ట్ కానున్నాయి.