మిస్ ఇండియా 2016 గ్రాండ్ ఫినాలే

మిస్ ఇండియా 2016 గ్రాండ్ ఫినాలే వేడుకకు యశ్ రాజ్ స్టూడియో సిద్ధమైంది.

ఎఫ్.బి.బి. ఫెమీనా మిస్ ఇండియా 2016 గ్రాండ్ ఫినాలే వేడుకకు సర్వం సిద్ధమైంది. ఈ పోటీలను ముంబయిలోని ప్రఖ్యాత యశ్ రాజ్ స్టూడియోలో శనివారం రాత్రి నిర్వహిస్తున్నారు. శనివారం రాత్రి 8 గంటల నుండి ఈ పోటీలు మొదలవుతాయి. ఈ పోటీల్లో విజయం సాధించిన సుందరాంగి ప్రపంచ సుందరి 2016 పోటీలకు మన దేశం తరఫున ప్రాతినిథ్యం వహిస్తుంది. వివిధ దశల్లో జరిగిన వడపోత పోటీల అనంతరం గ్రాండ్ ఫినాలేకు 21మంది ముద్దుగుమ్మలు ఎంపికయ్యారు.

Samayam Telugu

పోటీల సందర్భంగా యశ్ రాజ్ స్టూడియో సర్వాంగ సుందరంగా తయారయింది. ఈ వేడుకలో పాలుపంచుకునేందుకు ఎక్కడెక్కడి బాలీవుడ్ స్టార్లంతా తరలివస్తున్నారు. పోటీల్లో ప్రతీ అంకాన్ని కన్నుల పండువగా తీర్చిదిద్దేందుకు నిర్వాహకులు జాగ్రత్తలు తీసుకున్నారు. బాలీవుడ్ యువహీరో వరుణ్ ధావన్, సెలబ్రిటీ సింగర్ రాపర్ బాద్షా, షాహిద్ కపూర్, హీరోయిన్ జాక్విలిన్ ఫెర్నాండెజ్, సింగర్ సునిధి చౌహాన్, టైగర్ ష్రాఫ్ లు తమ ప్రదర్శనలతో ఆహుతులను అలరించనున్నారు.