ట్రూకాలర్, విచాట్.. 42 యాప్‌లు వాడొద్దు!

అంతర్జాతీయ సరిహద్దుల వెంబడి విధి నిర్వహణలో ఉన్న భద్రతా దళాలకు ఇంటెలిజెన్స్ బ్యూరో కీలక హెచ్చరికలు జారీ చేసింది. మొబైల్ యాప్‌ల ద్వారా భద్రతా దళాలకు సంబంధించిన ముఖ్య సమాచారాన్ని చైనా తస్కరించే వీలుందని హెచ్చరించింది. తమ మొబైల్ ఫోన్లలో వి చాట్, ట్రూకాలర్, యూసీ బ్రౌజర్, యూసీ న్యూస్ లాంటి అప్లికేషన్లను తొలగించాలని వాస్తవాధీన రేఖ వెంబడి విధులు నిర్వహిస్తోన్న సైనికులకు ఇంటెలిజెన్స్ డీఐజీ సూచించారు. ఆన్‌లైన్ గూఢచర్యానికి కారణమయ్యే ఈ యాప్‌లను తొలగించాలని లేదంటే ఫోన్లను ఫార్మాట్ చేయాలని తెలిపింది.

మొత్తం 42 యాప్‌లు భద్రతకు సంబంధించిన సమాచారాన్ని తస్కరించే వీలుందని ఐబీ గుర్తించింది. ఈ యాప్‌లు సున్నితమైన సమాచారాన్ని చైనా అధికారుకుల చేరవేసే అవకాశం ఉందని హెచ్చరించింది. ఇటీవల డోక్లాంలో ఉద్రిక్తతలు తలెత్తిన నేపథ్యంలో ఐబీ ఈ హెచ్చరికలు చేసింది. ఇంటెలిజెన్స్ ఏజెన్సీల సమాచారం మేరకు భద్రతా దళాలు తరచుగా చైనీస్ యాప్‌లకూ దూరంగా ఉండాలని అధికారులకు సూచిస్తున్నాయి.