మంత్రుల తాట తీస్తున్న యూపీ సీఎం యోగి

అందరి క్యాబినెట్ లలోనా మంత్రులవ్వడం వేరు, కానీ యూపీ సీఎం యోగి దగ్గర మంత్రిగా పనిచేయడం వేరు. మంత్రిగా ఉండి డబ్బులు సంపాదించుకుందాం, వ్యాపారాలు విస్తరించుకుందాం అంటే ఇక కుదరని పని. మొన్నటి వరకు ప్రజల కోసం ప్రభుత్యోగులకే నిమయాలు పెట్టిన యోగి, ఇప్పుడు మంత్రులకు నియమావళిని పెట్టారట. ఆ నియమాల ప్రకారం నడుచుకోకపోతే తాటతీయడానికి ఏమాత్రం వెనుకాడనని సంకేతాలు కూడా పంపించారట. ప్రభుత్వ పాలనతో మరింత పారదర్శకతను తెచ్చుకునేందుకు ఈ కొత్త కొత్త నిర్ణయాలు, నియమాలు పెడుతున్నట్టు ఆయన మంత్రులకు వివరించారట. అవినీతికి దూరంగా ఉండాలని స్పష్టంగా చెప్పారట యోగి. యూపీ సీఎం పెట్టిన నియమావళి ప్రకారం...

మంత్రుల బంధువులెవరికైనా ప్రభుత్వంతో సంబంధం ఉంటే వారి వివరాలు వెల్లడించాలి.

మంత్రులు ఎలాంటి వ్యాపారాలలో భాగస్వాములుగా ఉండకూడదు.

అధిక ఖర్చుతో చేసే వేడుకలకు, ఆర్భాటాలకు దూరంగా ఉండాలి.

ఏ వ్యక్తిగత బహుమతైనా అయిదు వేల రూపాయల కంటే తక్కువ ఖర్చుతో కొన్నదైతేనే మంత్రులు స్వీకరించాలి. అంతకన్నా ఎక్కువ ఖరీదుదైతే ప్రభుత్వ ఖజానాలో జమ చేయాలి.

జిల్లాలకు అధికారిక పర్యటనలకు వెళ్లినప్పుడు ఫైవ్ స్టార్ హోటళ్లలో దిగ కూడదు... ప్రభుత్వ నివాసాల్లో దిగాలి.