ఆస్పత్రిలో అడ్మిటైన సోనియా గాంధీ

కాంగ్రెస్ పార్టీ అగ్ర నేత సోనియా గాంధీ (Sonia Gandhi) అస్వస్థతకు గురయ్యారు. ఆమెను ఆస్పత్రిలో చేర్పించి చికిత్స అందిస్తున్నారు. జ్వరం, శ్వాస సంబంధిత సమస్యతో సోనియా బాధ పడుతున్నట్లు తెలుస్తోంది. ప్రస్తుతం ఆమె ఢిల్లీలోని సర్ గంగారామ్ ఆస్పత్రిలో చికిత్స పొందుతున్నారు. ఆమె పరిస్థితి నిలకడగా ఉన్నట్లు వైద్యులు హెల్త్ బులెటిన్‌లో పేర్కొన్నారు. సోనియాకు పలు వైద్య పరీక్షలు నిర్వహించినట్లు వెల్లడించారు. ప్రస్తుతం ఆమె వైద్యుల పర్యవేక్షణలో ఉన్నట్లు తెలిపారు.

సోనియా గాంధీ కొంత కాలంగా శ్వాస సంబంధిత రుగ్మతతో బాధపడుతున్నారు. పలుమార్లు సర్ గంగారామ్ ఆస్పత్రిలో అడ్మిట్ అయ్యి చికిత్స తీసుకున్నారు. విదేశాలకు వెళ్లి కూడా చికిత్స తీసుకున్నారు. ఈ ఏడాది సోనియా గాంధీ.. ఆసుపత్రిలో చేరడం ఇది రెండోసారి కావడం గమనార్హం.