నిషేధించినా వెనక్కి తగ్గని ప్రతిపక్షం.. మోదీపై బీబీసీ డాక్యుమెంటరీని ప్రదర్శించిన కేరళ కాంగ్రెస్‌

ప్రధాని నరేంద్ర మోదీపై బీబీసీ రూపొందించిన డాక్యుమెంటరీని కేంద్రం నిషేధించిన విషయం తెలిసిందే. కేంద్రం నిషేధించినా ఈ డాక్యుమెంటరీని కేరళ కాంగ్రెస్‌ గురువారం ప్రదర్శించింది. ఇందుకోసం తిరువనంతపురంలోని షణ్ముగం బీచ్ వద్ద గురువారం పెద్ద స్క్రీన్‌ ఏర్పాటు చేసింది. 2002 గుజరాత్ అల్లర్లు, ప్రధాని మోదీ రాజకీయాల గురించి రెండు భాగాలుగా ఈ డాక్యుమెంటరీని బీబీసీ రూపొందించింది. కాగా, కేరళలోని కాంగ్రెస్ ప్రతిపక్షంగా ఉండగా. అధికార సీపీఎం కూడా బీబీసీ డాక్యుమెంటరీని నిషేధించడాన్ని వ్యతిరేకించింది.అయితే, ఈ డాక్యుమెంటరీని ఒక ప్రమాదకరమైన ఉదాహరణగా కేరళ కాంగ్రెస్‌ సీనియర్‌ నేత ఏకే ఆంటోని కుమారుడు అనిల్‌ ఆంటోనీ పేర్కొన్నారు. కాంగ్రెస్‌ స్టాండ్‌ను వ్యతిరేకిస్తూ ఆయన చేసిన ట్వీట్‌పై ఆ పార్టీ నేతల నుంచి విమర్శలు రావడంతో ఏకంగా కాంగ్రెస్‌ పార్టీకి రాజీనామా చేశారు. అనిల్ ఆంటోనీ వాదనలపై సీనియర్ కాంగ్రెస్ నేత, తిరువనంతపురం ఎంపీ శశి థరూర్ మండిపడ్డారు. ఆయన వాదనలు పరికత్వలేనివని, డాక్యుమెంటరీ జాతీయ భద్రత, సార్వభౌమాధికారం డాక్యుమెంటరీ ద్వారా ప్రభావితమయ్యేంత దుర్బలంగా ఉన్నాయా? అని ప్రశ్నించారు.

ఈ నేపథ్యంలో కేంద్ర ప్రభుత్వం నిషేధించిన వివాదస్పద బీబీసీ డాక్యుమెంటరీని కేరళ కాంగ్రెస్‌ ప్రదర్శించడం చర్చకు దారి తీసింది. ఇప్పటికే ఈ డాక్యుమెంటరీని పలు చోట్ల ప్రదర్శించడంతో దేశవ్యాప్తంగా బీజేపీ, ఆ పార్టీ అనుబంధ సంఘాలు నిరసనలు చేస్తున్నాయి. కోల్‌కతాలోని జాదవ్‌పూర్ వర్సిటీలోనూ గురువారం సాయంత్రం ఈ డాక్యుమెంటరీని సీపీఎం అనుబంధ విద్యార్థి సంఘం ఎస్ఎఫ్ఐ వీక్షించింది. దీనిని పోలీసులు కూడా అడ్డుకోలేదు.

డాక్యుమెంటరీ నిషేధంపై కాంగ్రెస్ అగ్రనేత రాహుల్ గాంధీ విమర్శలు గుప్పించారు. జమ్మూలో విలేకరులతో ఆయన మాట్లాడుతూ.. ‘‘సత్యం ప్రకాశవంతంగా ప్రకాశిస్తుంది.. దానికి బయటకు వచ్చే దుష్ట అలవాటు ఉంది. కాబట్టి ఎన్ని నిషేధాలు, అణచివేతలు, ప్రజలను భయపెట్టడం వంటివి నిజం బయటకు రాకుండా ఆపలేవు’’ అని ఆయన అన్నారు.

Read Latest National News And Telugu News