Delhi High Court మైనర్ సమ్మతి చట్టం దృష్టిలో సమ్మతం కాదు.. హైకోర్టు కీలక తీర్పు

Delhi High Court మైనర్ సమ్మతి చట్టం దృష్టిలో సమ్మతి కాదని పేర్కొంటూ 16 ఏళ్ల బాలికపై అత్యాచారానికి పాల్పడిన నిందితుడికి ఢిల్లీ హైకోర్టు బెయిల్ నిరాకరించింది. ఆమె ఆధార్ కార్డులో పుట్టిన తేదీని కూడా మార్చినట్లు గమనించిన న్యాయస్థానం.. ఆధార్ కార్డ్‌లో అమ్మాయి పుట్టిన తేదీని మార్చడంలో వ్యక్తి ప్రవర్తనకు సంబంధించిన తీవ్రమైన నేరమని వ్యాఖ్యానించింది. ‘‘బాలికతో శారీరక సంబంధం ఏర్పరుచుకుని ఆమె మైనర్ కాదని నమ్మించేందుకు దరఖాస్తుదారుడు (పురుషుడు) ఆధార్ కార్డులో పుట్టిన తేదీని మార్చడం ద్వారా ప్రయోజనం పొందాలని కోరుకున్నట్లు తెలుస్తోంది’’ అని పేర్కొంది.‘‘ప్రత్యేకంగా పిటిషనర్ 23 సంవత్సరాల వయస్సులో ఉన్నప్పుడు సమ్మతి తెలిపిన మైనర్ బాలిక వయసు 16 ఏళ్లు.. అప్పటికే అతడికి వివామయ్యింది.. నిందితుడికి బెయిల్‌కు నిరాకరిస్తున్నాం.. మైనర్ సమ్మతి చట్టం దృష్టిలో సమ్మతి కాదు’’ అని జస్టిస్ జస్మీత్ సింగ్ తన ఉత్తర్వుల్లో పేర్కొన్నారు. తన కుమార్తె అదృశ్యమైనట్టు బాలిక తండ్రి 2019లో పోలీసులకు ఫిర్యాదు చేయడంతో కేసు నమోదయ్యింది. కొద్ది రోజుల తర్వాత ఆమె ఉత్తర్ ప్రదేశ్‌లోని సంభాల్ జిల్లాలో ఓ యువకుడితో ఉన్నట్టు గుర్తించిన పోలీసులు.. బాలికను తీసుకొచ్చారు.

అతడు తన ప్రియుడని నెలన్నర కలిసున్నామని మేజిస్ట్రేట్ ముందు వాంగ్మూలం ఇచ్చింది. ఆ వ్యక్తి తన అంగీకారంతో శారీరక సంబంధం ఏర్పరచుకున్నాడని, తాను అతనితో కలిసి ఉండాలనుకుంటున్నానని ఆమె చెప్పింది. 2019 నుంచి కస్టడీలో ఉన్న నిందితుడు బెయిల్ కోసం దరఖాస్తు చేశాడు. ‘‘ప్రస్తుత కేసులో సంఘటన జరిగిన తేదీ నాటికి అమ్మాయికి కేవలం 16 సంవత్సరాలు మాత్రమే అని నేను భావిస్తున్నాను.. దరఖాస్తుదారుడి వయస్సు 23 సంవత్సరాలు.. అప్పటికే వివాహితుడు. మైనర్‌ బాలిక సమ్మతంతోనే శారీరక సంబంధం పెట్టుకున్నట్టు సబ్-డివిజినల్ మేజిస్ట్రేట్ ముందు వాంగ్మూలం ఇచ్చింది.. ఆధార్ కార్డులో ఆమె పుట్టిన తేదీని మార్చినట్టు గుర్తించాం.. వాస్తవంగా 2002లో జన్మిస్తే శారీరక సంబంధం ఏర్పరుచుకుని ఆమె మైనర్ కాదని చూపడానికి మార్చి 5, 2000గా మార్చారు’’ అని కోర్టు పేర్కొంది.

Read Latest National News And Telugu News