ఆవులకు ఆధార్ సంఖ్య కేటాయింపు

ఆవుల అక్రమ రవాణా అడ్డుకునేందుకు గుజరాత్ ప్రభుత్వం ఆధార్ పద్ధతికి శ్రీకారం చుట్టింది. ఆవుల చెవుల్లో ఐడి నెంబర్ తో ఉండే డిజిటల్ చిప్‌లను ఏర్పాటు చేస్తోంది. ఆవుల చెవుల్లో డిజిటల్ చిప్‌లను అమర్చేందుకు ప్రత్యేక బృందాలను ఏర్పాటు చేసింది.

తొలిదశలో రాష్ట్రంలోని 37వేల ఆవులను యూనిక్ ఐడెంటిటీ నంబర్లను కేటాయించనున్నారు. ఇందుకోసం ప్రభుత్వం రూ.2.8కోట్లు కేటాయించింది. ఈ చిప్ వల్ల ఆవులను అక్రమంగా తరలించిన, అవి తప్పిపోయిన సులువుగా తెలుసుకునే వీలుంటుందని అధికారులు చెబుతున్నారు. అంతేగాక ఆవుల ఆరోగ్యం, రంగు, వాటి అడ్రస్ వంటి వివరాలు కూడా నమోదై ఉండేలా వీటిని తయారు చేశారు.

గోవధకు పాల్పడితే యావజ్జీవ శిక్ష అమలు చేయాలని గత నెలలో గుజరాత్ ప్రభుత్వం చట్టం చేసిన సంగతి తెలిసిందే.