పోలీసు శాఖలో నేరస్థులున్నారు: పోలీస్ చీఫ్

పోలీసు శాఖలో నేరస్థులు (క్రిమినల్స్) ఉన్నారని కేరళ పోలీస్ చీఫ్ టీపీ సేన్ కుమార్ సంచలన వ్యాఖ్యలు చేశారు. చట్టాన్ని అతిక్రమించే వారు కిందిస్థాయి పోలీసుల కన్నా పైఅధికారులే అధికంగా ఉన్నారని ఆయన గుర్తు చేశారు. కిందిస్థాయి అధికారుల్లో నేరస్థులు ఒక్కశాతం ఉంటే అదే పైస్థాయిలో 4 నుంచి 5శాతం ఉన్నారని ఆయన అన్నారు.

తిరువనంతపురంలో ఏర్పాటు చేసిన వీడ్కోలు సమావేశంలో సేన్ కుమార్ మాట్లాడారు. సొంతశాఖలోనే నేరస్థులు ఉండటం వల్లే సమస్యలు తప్పడం లేదని ఆయన ఆవేదన వ్యక్తం చేశారు. తన హయంలో పోలీసు శాఖలో అవినీతి, అక్రమాలను కొంతమేరకు తగ్గించగలిగానని ఆయన చెప్పారు.

సేన్ ప్రజలు, పోలీసులకు మధ్య స్నేహపూరిత వాతావరణాన్ని కల్పించేందుకు అనేక కార్యక్రమాలు చేపట్టారు. తన జీతం నుంచి పేద పిల్లల చదువులకు ఖర్చు చేశారు.