యాప్నగరం

శ్రీనగర్: బాలుడు మృతి, కర్ఫ్యూ విధింపు

జమ్మూ కశ్మీర్ శ్రీనగర్ లో హైటెన్షన్ నెలకొంది. ఆందోళనకారులను చెదరగొట్టేందుకు భద్రతా దళాలు పెల్లెట్ల ఫైరింగ్ జరిపారు

Samayam Telugu 8 Oct 2016, 1:46 pm
జమ్మూ కశ్మీర్ శ్రీనగర్ లో హైటెన్షన్ నెలకొంది. ఆందోళనకారులను చెదరగొట్టేందుకు భద్రతా దళాలు పెల్లెట్ల ఫైరింగ్ జరిపారు. ఈ ఫైరింగ్ లో 12 ఏళ్ల బాలుడు మృతి చెందాడు. దీంతో ఏలాంటి అవాంఛనీయ సంఘటనలు చోటు చేసుకోకుండా ఉండేదుకు శ్రీనగర్ లో కర్ఫ్యూ విధించారు.
Samayam Telugu curfew in srinagar after 12 year boy died
శ్రీనగర్: బాలుడు మృతి, కర్ఫ్యూ విధింపు


జూన్ 8న భద్రతా దళాల చేతిలో బుర్హన్ వనీ హతమైనప్పటి నుంచి జమ్ము కశ్మీర్ లోని పలు ప్రాంతాల్లో ఆందోళనలు కొనసాగుతున్నాయి. శుక్రవారం ఆందోళనకారులు భద్రతా దళాలపైకి రాళ్లు రువ్వారు. వీళ్లను అదుపు చేసేందుకు భద్రతా దళాలు పెల్లెట్ గన్స్ ఉపయోగించారు. అయితే ఈ ఆందోళనతో ఏలాంటి సంబంధం లేదని 12ఏళ్ల బాలుడు సైదాపూర్ కు చెందిన జునైద్ అహ్మాద్ మృతి చెందాడు.

‘ఆందోళన కారులు భద్రతా దళాలపైకి రాళ్లు రువ్వారు. ఆ సమయంలో జునైద్ తమ ఇంటి బయట నిలబడ్డాడు. ఆందోళనలో అతడు లేడు. కానీ భద్రతా దళాలు జరిపిన పెల్లెట్ల ఫైరింగ్ లో అతడు చనిపోయాడు’ అని పేరు చెప్పడానికి ఇష్టపడని ఓ ఉన్నతాధికారి వెల్లడించారు.

జునైద్ మీద పెల్లెట్ల వర్షం కురిసిందని స్థానికులు చెబుతున్నారు. ఆసుపత్రికి తీసుకెళ్లిన కాసేపటికే చనిపోయినట్లు చెప్పారు.

అతని మృతదేహాన్ని ఇంటికి తీసుకొచ్చాక..వందలాది మంది ప్రభుత్వానికి వ్యతిరేకంగా నినాదాలు చేస్తూ ర్యాలీలు చేపట్టారు. జునైద్ కు అంతిమ యాత్రలోనూ ఆందోళన కారులు పోలీసులపైకి రాళ్లు రువ్వారు. దీంతో భద్రతా దళాలు టియర్ గ్యాస్ ప్రయోగించారు.

అయితే జునైద్ అంతిమయాత్రను ఆపేందుకు పోలీసులు ప్రయత్నించడం వల్లే ఆందోళనకారులు రెచ్చిపోయారని స్థానికులు చెబుతున్నారు.
బుర్హన్ వనీ చనిపోయినప్పటి నుంచి ఇప్పటి వరకు ఇక్కడ దాదాపు 90 మందికిపైగా చనిపోగా, పదివేల మంది గాయపడ్డారు. స్థానికంగా విద్యాసంస్థలు, వ్యాపార సంస్థలు మూతపడ్డాయి.

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.