దీప ఆస్తుల వివరాలు ఇవిగో...
జయలలిత మేనకోడలు దీపా జయకుమార్ ఆర్కేనగర్ ఉపఎన్నికల బరిలో నిలిచిన సంగతి తెలిసిందే.
TNN 25 Mar 2017, 9:12 am
జయలలిత మేనకోడలు దీపా జయకుమార్ ఆర్కేనగర్ ఉపఎన్నికల బరిలో నిలిచిన సంగతి తెలిసిందే. తన మేనత్త నియోజకవర్గమైన ఆర్కే నగర్లో గెలిచి పాగా వేసేందుకు ప్రయత్నిస్తోంది. ఈ ఎన్నికల్లో స్వతంత్ర అభ్యర్థిగా ఆమె బరిలో నిలిచింది. ఎన్నిలక అఫిడవిట్ తన పేరిట ఉన్న ఆస్తుల వివరాలను తెలియజేసింది. మొత్తం తనకు మూడు కోట్ల అయిదు లక్షల రూపయాల ఆస్తులు ఉన్నట్టు ఆమె పేర్కొంది. వీటిలో కోటి అయిదులక్షల రూపాయల చరస్తులు, రెండు కోట్ల విలువైన స్థిరాస్థులు ఉన్నట్టు పేర్కొంది. గత ఏడాది 2016-17 సంవత్సరంలో 5.37 లక్షల ఆదాయం వచ్చినట్టు చూపింది. 1.72 లక్షల విలువైన వెండి వస్తువులు, నాలుగు లక్షల రూపాయల విలువైన 20 వజ్రాలు ఉన్నాయని చెప్పింది. అలాగా మూడున్నర లక్షల నగదు కూడా ఉన్నట్టు చెప్పింది. ఇక తన సేవింగ్స్ ఖాతాలో లక్షా 77వేల రూపాయలు ఉన్నట్టు అఫిడవిట్ లో పేర్కొంది. జయలలిత మృతి వల్ల ఏర్పడిన ఆర్కేనగర్ స్థానానికి ఏప్రిల్ 12న ఉపఎన్నిక జరగనుంది.