#NoteBan: క్యూలో నిల్చోవాలా? మమ్మల్ని పిలవండి

‘ఇంటి పనులు, ఆఫీసు వదిలి ఏటీఎం, బ్యాంకు లైన్లలో పడిగాపులు కాస్తున్నారా? మీకెందుకు అంత శ్రమ. మీ బదులు మేం లైన్లో నుంచుంటాం. మీరు కాసేపు విశ్రాంతి తీసుకుని రండి’ అని.. ఢిల్లీకి చెందిన ఓ StartUp సంస్థ పిలుపునిస్తోంది. Book My Chotu అనే ఈ సంస్థ సేవలకు ఢిల్లీలో భలే డిమాండు నెలకొంది. వివిధ సేవల కోసం హెల్పర్లను అందించే ఈ స్టార్టప్ సంస్థ.. ఏటీఎం, బ్యాంకుల వద్ద లైన్లలో నిల్చోడానికి కూడా సాయం చేస్తోంది. ఇందుకు గంటకు రూ.90 చొప్పున చెల్లిస్తే సరిపోతుంది. అయితే, కొత్తగా ఏర్పడిన ఈ సంస్థ సేవలు ప్రస్తుతం ఢిల్లీ, హర్యాన, ఉత్తరప్రదేశ్‌కు మాత్రమే పరిమితం. త్వరలో దేశవ్యాప్తంగా శాఖలను ఏర్పాటు చేసే ఆలోచనలో చేస్తున్నారు.

వీ​రి సేవలు పొందాలంటే.. www.bookmychotu.com వెబ్‌సైట్‌లోకి వెళ్లాలి. ఆ తర్వాత మూడు స్టెప్పుల్లో బుకింగ్ పూర్తిచేయవచ్చు. పేరు, చిరునామా, ఫోన్ నెంబరు ఇవ్వాలి. బుకింగ్ పూర్తికాగానే హెల్పర్ (చోటు) సూచించిన బ్యాంకు, ఏటీఎం వద్ద లైన్లో నిలబడతాడు. కౌంటర్‌ లేదా ఏటీఎంను సమీపించగానే ‘చోటు’ సంబంధిత వ్యక్తికి ఫోన్ చేస్తాడు. వెంటనే అక్కడికి చేరుకుని డబ్బు విత్‌డ్రా లేదా మార్పిడి చేసుకునే బాధ్యత మాత్ర ఖాతాదారుడిదే. ఏది ఏమైనా ప్రస్తుత తరుణంలో ఈ సేవలు ప్రజలకు భలే ఉపయోగపడుతున్నాయి. ఢిల్లీవాసులు వీరి సేవలను బిందాస్‌గా వాడేసుకుంటున్నారు.

# Delhi-based startup Book My Chotu is providing paid, temporary helpers who would stand in queues outside banks and ATMs
# They are charging Rs.90 per hour for such services. Many are opting their services.