యాప్నగరం

ఢిల్లీ ప్రమాదం.. ప్రాణ భయంతో భవనంపై నుంచి దూకేశారు

మంటలు చుట్టుముట్టగానే ప్రాణ భయంతో పరుగులు తీశారు. మంటల్లో నుంచి బయటపడదామని బిల్డింగ్‌పై నుంచి దూకేశారు. హోటల్ సమీపంలోని సీసీ కెమెరాల్లో రికార్డైన దృశ్యాలు.

Samayam Telugu 12 Feb 2019, 12:23 pm

ప్రధానాంశాలు:

  • తీవ్ర విషాదాన్ని నింపిన ఢిల్లీ అగ్ని ప్రమాదం
  • ప్రమాదం నుంచి బయటపడదామనుకుంటే ప్రాణాలు పోయాయి
  • ప్రమాదంలో 17కు చేరిన మృతుల సంఖ్య
హైలైట్స్ చదవాలంటే యాప్‌ను డౌన్‌లోడ్ చేసుకోండి
ఢిల్లీలోని అర్పిత్ ప్యాలెస్ హోటల్‌లో జరిగిన అగ్నిప్రమాదం తీవ్ర విషాదాన్ని నింపింది. ఈ ప్రమాదంలో 17మంది ప్రాణాలు కోల్పోగా.. మరికొందరు తీవ్రంగా గాయపడ్డారు. అయితే మంగళవారం వేకువజామున హోటల్‌లో మంటలు వ్యాపించగానే భయంతో అందరూ వణికిపోయారు. ఎటు వెళ్లాలో అర్థంకాక కంగారుపడ్డారు.. భవనంపై నుంచి, కిటికీల్లో నుంచి కిందకు దూకి ప్రాణాలు రక్షించుకునే ప్రయత్నం చేశారు.
భవనంపై నుంచి దూకే ప్రయత్నంలోనే ఓ మహిళ, చిన్నారి చనిపోయారు. వారు భవనంపై నుంచి కిందకు దూకడం దగ్గరలో ఉన్న సీసీ కెమెరాలతో పాటూ.. కొందరు మొబైల్స్‌లో రికార్డ్ చేశారు. ఈ వీడియో ఘటన జరిగిన కొద్దిసేపటి తర్వాత బయటపడింది. పాపం ప్రమాదం నుంచి బయటపడదామని.. బిల్డింగ్ పై నుంచి దూకి చివరికి ప్రాణాలు కోల్పోవడం కలిచివేసింది.

మరోవైపు ప్రమాద జరిగిన వెంటనే రంగంలోకి దిగిన అగ్నిమాపక సిబ్బంది సహాయకచర్యలు చేపట్టారు. భవనంలో చిక్కుకున్న దాదాపు 50 మందిని రక్షించారు. నాలుగు గంటల పాటు శ్రమించి మంటలను అదుపు చేశారు.

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.