ట్రెయిన్ మంచి స్పీడ్‌లో ఉండగా.. అలా జరిగితే!

ట్రెయిన్ మంచి స్పీడ్‌లో ఉండగా.. మనం ఎక్కిన బోగీ అకస్మాత్తుగా ఇంజన్ నుంచి విడిపోతే.. పరిస్థితి ఎలా ఉంటుందో ఒక్కసారి ఊహించుకోండి.. ఇంజన్‌తో పాటు కొన్ని బోగీలు ముందుకు సాగిపోతే.. మిగతావన్నీ చెల్లాచెదురై బీభత్సం జరుగుతుంది కదూ! బుధవారం (ఆగస్టు 2) ఉదయం 8 గంటల ప్రాంతంలో శతాబ్ది ఎక్స్‌ప్రెస్‌కు సరిగ్గా ఇలాగే జరిగింది. అదృష్టవశాత్తూ పెను ప్రమాదం తప్పింది. ఢిల్లీ నుంచి లక్నో వెళుతున్న ఈ రైలు ఇంజిన్‌ నుంచి 4 బోగీలు వేరు పడ్డాయి. ఉత్తరప్రదేశ్‌లోని అలీఘర్ జిల్లా కుజ్రా సమీపంలో ఈ ఘటన చోటు చేసుకుంది.

రైలు ఓ మోస్తరు వేగంలో ఉండటం వల్ల ఇంజన్‌ నుంచి వేరుపడ్డ బోగీలు అక్కడే నిలిచిపోయాయి. మిగిలిన బోగీలు ఇంజన్‌‌తో పాటు కొంత దూరం ప్రయాణించాయి. ఘటనలో ఎవరికీ గాయాలు కాకపోవడంతో అందరూ ఊపిరి పీల్చుకున్నారు. ఆ తర్వాత బోగీలను మళ్లీ రైలుకు యథావిథిగా అనుసంధానించి రైలును ముందుకు పోనిచ్చారు. ఈ కారణంగా రైలు అరగంట ఆలస్యమైంది.

A major accident was averted on Wednesday when 4 coaches of the Delhi-Lucknow Shatabdi Express broke away from the train in Uttar Pradesh.