బస్సులో మహిళ ముందు హస్తప్రయోగం.. వ్యక్తి అరెస్ట్

ఢిల్లీలో మహిళలు ఎదుర్కొనే దారుణమైన పరిస్థితులకు మరో నిదర్శనం ఈ ఘటన. డీటీసీ బస్సులో ప్రయాణిస్తున్న ఓ మహిళ పక్కన కూర్చున్న కిషన్ దత్ పాండే (45) అనే వ్యక్తి ఆమెను టచ్ చేయడానికి ప్రయత్నించాడు. ఆమె వారించడంతో ఫ్యాంటు విప్పి.. హస్తప్రయోగం చేసుకోవడం మొదలుపెట్టాడు. దీంతో ఆమె గట్టిగా కేకలుపెట్టింది.

తోటి ప్రయాణికులు అతడిని పట్టుకోడానికి ప్రయత్నించడంతో నడుస్తున్న బస్సు నుంచి దూకేందుకు ప్రయత్నించాడు. ఈ సమాచారం అందుకున్న పోలీసులు దౌలా కువా బస్టాండ్‌‌లో నిందితుడిని పట్టుకున్నారు. నవంబరులో కూడా ఇలాంటి ఘటనే చోటు చేసుకుంది. ఢిల్లీ యూనివర్శిటీకి చెందిన విద్యార్థిని బస్సులో ప్రయాణిస్తోంది. ఆమె మహిళలకు కేటాయించిన సీటులో కూర్చోగా.. ఓ వ్యక్తి ఆమె ఎదురుగా నిలుచుని ఆమెకు మర్మాంగాన్ని చూపించాడు. ఆ తర్వాత ఆమె ఎదురుగానే హస్త ప్రయోగం చేసుకోవడంతో ఆమె కేకలు పెట్టింది. అయితే, తోటి ప్రయాణికులు ఎవరూ ఆమెకు సాయం చేయకపోవడంతో ఆమే స్వయంగా అతడిని నెట్టేసింది. అనంతరం పోలీసులకు ఫిర్యాదు చేసింది.