ఢిల్లీలో ఎన్‌కౌంటర్.. వాంటెడ్ క్రిమినల్ అరెస్ట్

దేశ రాజధాని ఢిల్లీలోని నెహ్రూ ప్లేస్ మెట్రో స్టేషన్ వద్ద సోమవారం ఉదయం ఎన్‌కౌంటర్ జరిగింది. పోలీసులకి, క్రిమినల్స్‌కి మధ్య జరిగిన ఈ ఎన్‌కౌంటర్‌లో వాంటెడ్ క్రిమినల్ అక్బర్‌ని పోలీసులు అరెస్ట్ చేయగా మరో క్రిమినల్ రషీద్ పోలీసుల నుంచి తప్పించుకోగలిగాడు. పోలీసులు ఇరువైపుల నుంచి చుట్టుముట్టడంతో అక్బర్‌ని అరెస్ట్ చేయగలిగారు.

అక్బర్‌కి, పోలీసులకి మధ్య 13 రౌండ్ కాల్పులు జరిగాయి. ఈ ఎదురు కాల్పుల్లో ఇద్దరు పోలీసులు గాయపడ్డారు. దోపిడీలు, చైన్ స్నాచింగ్, హత్యాయత్నం వంటి కేసుల్లో నిందితుడిగా వున్న వాంటెడ్ క్రిమినల్ అక్బర్ పై రూ.25,000 రివార్డ్ వుంది.