ఏటీఎంల దగ్గర ప్రథమ చికిత్స యూనిట్లు

నోట్లరద్దు అనంతరం బ్యాంకులు, ఏటీఎంల వద్ద నెలకొన్న భారీ క్యూల వల్ల నెలకొనే తొక్కిసలాటల్లో మరిన్ని మరణాలు సంభవించకుండా, గాయపడ్డవారికి వెంటనే చికిత్స అందించేందుకు వీలుగా ప్రథమ చికిత్స యూనిట్లు (కేంద్రాలు) ఏర్పాటు చేయాలని పశ్చిమ బెంగాల్ హక్కల నేతలు నీలమ్ కటారా, కవితా శ్రీవాస్తవలు కేంద్రప్రభుత్వాన్ని డిమాండ్ చేశారు.

శనివారం బెంగాల్ లోని ఓ ఏటీఎందగ్గర బారీ క్యూలో నెలకొన్న తొక్కిసలాటలో ఓ వ్యక్తి మృతిచెందాడు.

దీనిపై ఆ రాష్ట్ర హక్కుల కార్యకర్తలు ఆగ్రహాం వ్యక్తం చేశారు. నోట్లరద్దు అనంతరం ప్రభుత్వం సరైన చర్యలు తీసుకోకపోవడం వల్ల ఈ మరణాలు సంభవిస్తున్నారని వారు ఆరోపిస్తున్నారు. మరిన్ని ప్రమాదాలు సంభవించకుండా ఉండేందుకు ప్రథమ చికిత్స కేంద్రాలను ఏర్పాటు చేయాలని డిమాండ్ చేశారు.