డీమానిటైజేషన్ ‘డీ-మోడీ’టైజేషన్ కోసమే!

డీమానిటైజేషన్ (నోట్లరద్దు) డీమోడీటైజేషన్ (మోడీ సర్కారు కూలిపోవడం) కోసమేనని అఖిల భారతీయ హిందూ మహాసభ ఎద్దేవా చేసింది. హిందూవుల పెళ్లిళ్ల సీజన్‌లోనే నోట్లనురద్దు చేయడం..ముస్లిం బ్యాంకింగ్ ను ప్రొత్సహించడాన్ని బట్టి చూస్తే మోదీ హిందూ వ్యతిరేకత స్పష్టమవుతోందని హిందూ మహాసభ జాతీయ కార్యదర్శి పూజ శకున్ పాండే ఆరోపించారు.

‘సరిగ్గా హిందూ వర్గాల పెళ్లిళ్ల సీజన్ సమయంలోనే నోట్లనురద్దు చేశారు. వేలాది మంది అప్పులు తీసుకోవాల్సి పరిస్థితి నెలకొంది. కొంతమంది పెళ్లిళ్లు వాయిదా వేసుకుంటున్నారు. మరికొందరు పెళ్లిళ్లు రద్దు చేసుకుంటున్నారు. ఇదే సమయంలో బీజేపీ నేతలు, ప్రభుత్వం దేశంలో ఇస్లామిక్ బ్యాంకింగ్ వ్యవస్థను బలోపేతం చేసేందుకు చర్యలు తీసుకుంటున్నారు’ అని ఆయన అలీఘర్ లో వ్యాఖ్యానించారు.

నోట్లరద్దు గొప్పవాళ్లపై ఏలాంటి ప్రభావం చూపలేదని పేదలు, సామాన్యులపై తీవ్రంగా ప్రభావం చూపిందని ఆయన అన్నారు.

మహారాష్ట్రలోని బీజేపీ ఎమ్మెల్యే, మహారాష్ట్ర సహకార శాఖమంత్రి సుభాష్ దేశ్ ముఖ్ లోక్ మంగల్ కోఆపరేటివ్ బ్యాంక్ లిమిటెడ్ ప్రారంభించి...ముస్లిం వర్గాల అభివృద్ధికి వడ్డీలేని రుణాలు అందిస్తున్నారని పాండే ఆరోపించారు.

‘ఇప్పుడు మోడీ పూర్తిగా హిందుత్వ ముసుగును తొలగించుకున్నారు. నోట్లరద్దు చివరికి మోదీని కూలదోసేందుకేనని ఆయన జోస్యం చెప్పారు.