ట్రాన్స్‌జెండర్ల దగ్గర బంగారం ఎంతుండాలి?

పెళ్లయిన మహిళలు, పెళ్లికాని మహిళలు ఎవరు ఎంత మేరకు బంగారం కల్గి ఉండాలని నిర్ణయించడానికి నరేంద్ర మోదీ ఎవరని కాంగ్రెస్ నేత, రాజ్యసభ్య సభ్యురాలు రేణుకా చౌదరి ప్రశ్నించారు. మహిళల బంగారంపై నిబంధనలు విధించడంపై ఉన్న శ్రద్ధ పార్లమెంటుకు హాజరుకావడంపై చూపెట్టాలని ఆమె మోదీకి సూచించారు.

‘పెళ్లయిన మహిళలు, పెళ్లికాని మహిళలు ఇంతేసి బంగారమే ఉండాలని నిబంధనలు విధించిన మోదీ.. మహిళల మధ్య విభేదాలు సృష్టిస్తున్నారు. ఆయనెవరు నిర్ణయించడానికి? పురుషులు కూడా ఇంతే బంగారం ఉండాలని చెబుతున్నారు. అలాంటప్పుడు ట్రాన్స్ జెండర్లు ఎంత బంగారం కల్గి ఉండాలని చెబుతారు? ఏ కాలంలో ఉన్నారాయన? భార్యతో కలిసి ఉంటే సంఘం, కుటుంబం అంటే ఏమిటో ఆయనకు తెలిసేది’ అని రేణుకు విమర్శించారు.