బ్యాంకులలో ఇక నోట్ల మార్పిడి జరుగదు

నోట్ల రద్దుపై కేంద్ర ప్రభుత్వం తాజాగా ప్రకటన చేసింది. రద్దయిన నోట్లను బ్యాంకులలో మార్పిడి చేసుకోవడానికి గడువు గురువారం అర్థరాత్రితో ముగిసిపోతుంది. ఈ గడువును పెంచే యోచన లేదని నేటితో నోట్ల మార్పిడి ముగిసిపోయినట్టేనని కేంద్రం ప్రకటించింది. బ్యాంకుల దగ్గర క్యూలైన్లు తగ్గుముఖం పట్టాయని అందుకే పెంచాల్సిన అవసరం కనిపించలేదని ప్రభుత్వం అభిప్రాయపడింది.

అలాగే రూ.500, రూ.1000 నోట్లను కేంద్ర ప్రభుత్వ, రాష్ట్ర ప్రభుత్వ, మునిసిపల్, స్థానిక సంస్థల ఆధ్వర్యంలో నడుస్తున్న స్కూళ్లలో ఫీజులు కట్టేందుకు పాత రూ.500 నోట్లతో చెల్లించవచ్చు. అయితే కేవలం రూ.2000 దాటని ఫీజులకే ఇది వర్తిస్తుంది.

టోల్ ప్లాజాల దగ్గర డిసెంబర్ 3 వ తేదీ నుంచి డిసెంబర్ 15 వరకు రూ.500 నోట్లతో టోల్ ట్యాక్స్ కట్టొచ్చు.

విదేశీయులు వారానికి రూ.5000 వరకు విదేశీ కరెన్సీని మార్చుకునే అవకాశం ఇచ్చారు. దీనికి సంబంధించిన వివరాలను వాళ్ల పాస్ పోర్టులలో నమోదు చేస్తారు.