పాత నోట్లు చెల్లేది ఇంకా రెండు రోజులే

ఇంకా పాత అయిదువందల నోట్లు చెల్లుబాటయ్యేది కేవలం రెండు రోజులే. పెద్ద నోట్ల రద్దు నిర్ణయాన్ని ప్రకటించాక... రూ.500నోటును రైల్వేలు, బస్సులు, మెట్రోలు, పెట్రోల్ బంకులు ఇలా కొన్ని చోట్ల డిసెంబర్ 15 వరకు తీసుకుంటారన్న వెసులుబాటును కల్పించింది కేంద్రం. డిసెంబర్ 31 వరకు బ్యాంకుల్లో మార్చుకోవచ్చని చెప్పింది. అయితే పాత రూ.500 నోట్లను రైల్వేలు, బస్సులు, మెట్రోలు చోట్లలో డిసెంబర్ 10 వరకే తీసుకుంటారని తాజాగా ప్రకటించింది. అంటే కేవలం రెండు రోజులే సమయం ఉంది. ఈ లోపే బస్సు, ట్రైన్ల టిక్కెట్ల కోసం పాత రూ.500 నోట్లను వాడేయడం మంచిది. డిసెంబర్ 3 నుంచే పెట్రోల్ బంకుల్లో, గ్యాస్ స్టేషన్లలో, విమాన టిక్కెట కొనుగోళ్లలో రద్దు చేశారు.

ఆర్‌బీఐ కొత్త రూ.100, రూ.50, రూ.20 నోట్లను విడుదల చేస్తున్నట్టు ప్రకటించింది. పాత వంద, యాభై, ఇరవై నోట్లు కూడా చెల్లుబాటులో ఉంటాయని చెప్పింది.