ప్రధానమంత్రి క్షమాపణ చెప్పాలి: విపక్షాలు

పెద్దనోట్ల రద్దుపై రాజ్యసభలో ఓటింగ్ జరగాలని ప్రతిపక్షాలు డిమాండ్ చేశాయి. పెద్దనోట్ల రద్దు అనంతరం ప్రధాని మోదీ మాట్లాడుతూ అవినీతి పరులకు ప్రతిపక్షాలు బాసటగా నిలుస్తున్నాయని అన్నారని, అందుకు ఆయన క్షమాపణ చెప్పాల్సిందేనని విపక్ష సభ్యులు డిమాండ్ చేశారు.

ప్రధానమంత్రి క్షమాపణ చెబితే తాము చర్చకు సిద్ధమని ప్రతిపక్ష సభ్యులు స్పష్టం చేశారు.

అయితే గడిచిన 16రోజులుగా పార్లమెంటు సమావేశాలు సజావుగా సాగడం లేదని, వాయిదాలతోనే కాలం గడిచిపోతుందని పార్లమెంటరీ వ్యవహారాల మంత్రి అనంత్ కుమార్ అన్నారు. సభను సజావుగా సాగనిస్తే ఏ అంశమైన చర్చిద్దామని ఆయన విపక్షాలను కోరారు.

శుక్రవారం పార్లమెంటు సమావేశాల ప్రారంభానికి ముందు విపక్షాల సభ్యులు సమావేశమై ఇవాళ అనుసరించాల్సిన వ్యూహాలపై చర్చించారు.