‘క్యాష్‌లెస్’పై ప్రధాని కార్యాలయంలో వర్క్‌షాప్

దేశంలో నగదు రహిత లావాదేవీలను పెంచాలని పీఎం నరేంద్ర మోదీ ఇచ్చిన పిలుపు మేరకు ప్రధాన మంత్రి కార్యాలయం ఉన్నతాధికారులు సోమవారం తమ బాధ్యతను నిర్వర్తించారు. కార్యాలయంలో పనిచేసే కిందిస్థాయి ఉద్యోగులకు నగదు రహిత లావాదేవీలపై అవగాహన కల్పించారు. ఈ మేరకు ప్రధాన కార్యదర్శి నృపేంద్ర మిశ్రా, అదనపు ప్రధాన కార్యదర్శి పి.కె. మిశ్రాతో పాటు ఇతర అధికారులు ప్రధాన మంత్రి కార్యాలయంలో వర్క్‌షాప్ నిర్వహించారు.

మొబైల్ బ్యాంకింగ్‌ సర్వీసును ఎలా ఉపయోగించాలి, యూపీఐ, ఈ-వాలెట్ల వంటి మొబైల్ అప్లికేషన్ల ద్వారా నిత్యం లావాదేవీలు ఎలా జరపాలి అనే విషయాలపై పీఎంవోలో పనిచేస్తున్న కిందిస్థాయి ఉద్యోగులందిరికీ అవగాహన కల్పించారు. భారతీయ స్టేట్ బ్యాంక్ (SBI), మైగవర్నమెంట్ (MyGov) ఉన్నతాధికారులు కూడా ఈ వర్క్‌షాప్‌లో పాలుపంచుకున్నారు.