మధ్యంతరం తప్పేలా లేదు.. కార్యకర్తలు సిద్ధం కండి: దేవెగౌడ

కర్ణాటకలో మధ్యంతర ఎన్నికలు తప్పేలా లేవని మాజీ ప్రధాని, జేడీఎస్ జాతీయ అధ్యక్షుడు దేవెగౌడ్ అభిప్రాయపడినట్లు తెలుస్తోంది. రాష్ట్రంలోని ప్రస్తుత రాజకీయ పరిస్థితులు చూస్తుంటే జేడీఎస్-కాంగ్రెస్ ప్రభుత్వం ఎక్కువ రోజులు నిలిచేలా కనిపించడం ఆయన పార్టీ కార్యకర్తల దగ్గర ప్రస్తావించారు. మధ్యంతర ఎన్నికలకు పార్టీ శ్రేణులన్నీ సిద్ధంగా ఉండాలని పిలుపునిచ్చారు.జేడీఎస్‌లో జరుగుతున్న పరిణామాలతో మనస్తాపం చెందిన ఆ పార్టీ రాష్ట్ర అధ్యక్షుడు విశ్వనాథ్ ఇటీవల తన పదవికి రాజీనామా చేశారు. దీంతో దేవెగౌడ బుధవారం ఆయనతో సమావేశమై చర్చించారు. పార్టీ పరిస్థితి ప్రస్తుతం ఏమీ బాగోలేదని, ఇలాంటి సమయంలో అధ్యక్ష పదవికి రాజీనామా చేయడం సరికాదని విశ్వనాథ్‌కు సర్దిచెప్పారు. మరికొన్ని రోజుల్లో మధ్యంతర ఎన్నికలు వచ్చే అవకాశముందని, ఈ నేపథ్యంలో ఎవరికి వారు కీలక పదవులకు రాజీనామా చేయడం సరికాదని వారించారు. తాజా లోక్‌సభ ఎన్నికల్లో తుమకూరు నుంచి పోటీ చేసిన దేవెగౌడ బీజేపీ అభ్యర్థి బసవరాజ్ చేతిలో ఓటమి పాలయ్యారు.