టీటీవీ దినకరన్‌కు ఐదు రోజుల కస్టడీ

ఎన్నికల సంఘానికి రూ.50 కోట్లు లంచం ఇచ్చేందుకు ప్రయత్నించారన్న కేసులో మంగళవారం అరెస్టయిన అన్నాడీఎంకే (అమ్మ) నేత టీటీవీ దినకరన్ కు ఢిల్లీ కోర్టు ఐదు రోజుల పాటు పోలీస్ కస్టడీ విధించింది. దినకరన్ పై నమోదైన కేసుపై పోలీసులు, డిఫెన్స్ న్యాయవాదుల వాదనలు విన్న ప్రత్యేక న్యాయమూర్తి పూనమ్ చౌదరి ఆయనకు మే 1 దాకా కస్టడీ విధిస్తూ బుధవారం తీర్పు చెప్పారు.

దినకరన్ తో పాటు అతని స్నేహితుడు మల్లికార్జున్ కు కూడా కోర్టు ఐదు రోజుల పాటు కస్టడీ విధించింది. దినకరన్ కేసు విచారణ జరిగే సమయంలో మీడియా ప్రతినిధులను అనుమతించలేదు.

దినకరన్ ను ప్రశ్నించేందుకు వారం రోజుల సమయం కావాలని పోలీసులు కోరగా కోర్టు ఐదు రోజుల కస్టడీ విధించింది. దినకరన్ ను పోలీసులు విచారించడాన్ని అతని తరఫు న్యాయవాదులు వాదించారు. ఎన్నికల సంఘానికి లంచ ఇవ్వజూపాడనడానికి పోలీసుల వద్ద ఎలాంటి ఆధారాలు లేవని వాదించారు.

ఈ కేసులో మధ్యవర్తిగా వ్యవహారించడాన్ని ఆరోపణలు ఎదుర్కొంటున్న సుకేష్ చంద్రశేఖర్ ను ఏప్రిల్ 16 న ఢిల్లీ పోలీసులు అరెస్టు చేశారు.