డొనాల్ట్ ట్రంప్ వల్ల భారత్‌కి మేలు : ముకేష్ అంబానీ

ఎప్పుడైతే అమెరికా అధ్యక్ష పదవి రేసులోకి డొనాల్డ్ ట్రంప్ దూసుకొచ్చాడో... అప్పటినుంచే అతడు ఇస్తూ వచ్చిన హామీలు చూసి ఇండియన్స్‌కి ఆందోళన మొదలైంది. ట్రంప్ అధ్యక్షుడయ్యాకా భారతీయులలో ఆ ఆందోళన, ఆవేదన రెట్టింపయ్యాయి. కానీ భారత వ్యాపార దిగ్గజం ముకేష్ అంబాని మాత్రం ట్రంప్ వల్ల ఇండియాకు మేలే జరుగుతుంది అంటున్నారు. ఎందుకు అంబానీ అలా అన్నారో ఆయన మాటల్లోనే విందాం.

అవును, ట్రంప్ తీసుకుంటున్న నిర్ణయాలు, పాలసీల కారణంగా ఇండియన్ ఐటీ పరిశ్రమ ఇకపై ఇండియాలో వున్న సమస్యల పరిష్కారంపై ఫోకస్ చేస్తుంది అని అభిప్రాయపడ్డారు అంబానీ. ఇకనైనా ఇండియన్ టాలెంట్ ఇండియన్ ఐటీ ఇండస్ట్రీకే ఉపయోగపడుతుంది అని అంబానీ చేసిన ఈ వ్యాఖ్యలు ప్రాధాన్యతను సంతరించుకున్నాయి. బుధవారం ముంబైలో జరిగిన నాస్‌కామ్ లీడర్‌షిప్ పోరమ్ 2017 సదస్సులో అంబానీ ఈ ఆసక్తికరమైన వ్యాఖ్యలు చేశారు.