ఢిల్లీ సహా ఉత్తర భారతదేశంలో భూకంపం..

ఉత్తర భారతదేశాన్ని భూకంపం మరోసారి వణికించింది. బుధవారం (జనవరి 31) మధ్యాహ్నం 12.40 గంటల ప్రాంతంలో ఢిల్లీ, హర్యాణా, పంజాబ్‌తో పాటు కశ్మీర్‌లోని పలు ప్రాంతాల్లో భూమి కంపించింది. రిక్టర్ స్కేలుపై భూకంప తీవ్రత 6.1గా నమోదైంది. అఫ్గానిస్థాన్‌లోని హిందూకుష్ పర్వత పాదాల వద్ద భూకంప కేంద్రం ఉన్నట్లు నిపుణులు వెల్లడించారు. ఈ కారణంగా హిందూకుష్ పర్వత పరిధిలోని అఫ్గాన్‌తో పాటు పాకిస్థాన్, ఉజ్బెకిస్థాన్, భారత్‌లోని పలు ప్రాంతాల్లో భూమి కంపించింది.

భూకంపం కారణంగా దేశ రాజధాని ఢిల్లీ వాసులు భయభ్రాంతులకు గురయ్యారు. భయంతో వీధుల్లోకి పరుగెత్తుకొచ్చారు. భూకంపానికి సంబంధించిన పూర్తి వివరాలు తెలియాల్సి ఉంది.
Earthquake (#भूकंप) possibly felt 2 min ago in #National Capital Territory of Delhi #India. https://t.co/wPtMW5ND1t pic.twitter.com/LJ6Jl5e0Gx — EMSC (@LastQuake) January 31, 2018