అక్రమ చొరబాట్లలో ఆ దేశీయులే ఎక్కువ!

దేశ భద్రత, ఆర్థిక వ్యవహారాలకు చొరబాట్లు పెద్ద సవాలుగా మారాయి. దేశంలో ఉపాధి కోసం కొందరు, ఉగ్రవాద కార్యకలాపాల కోసం మరికొందరు అక్రమంగా సరిహద్దులు దాటేందుకు ప్రయత్నిస్తున్నారు. దేశ ఆర్థికాభివృద్ధి.. ఈ అక్రమ చొరబాట్లకు ఊతమిస్తోంది. చాలా మంది సరిహద్దుల్లో భారత జవాన్లకు పట్టుబడుతుండగా.. మరికొందరు కాల్పుల్లో మరణిస్తున్నారు. ఈ ఏడాది (2016)లో ఇప్పటి వరకు పాకిస్థాన్, బంగ్లాదేశ్, భూటాన్, నేపాల్, మయన్మార్ దేశాల నుంచి 2,187 మంది అక్రమంగా చొరబడ్డారు. వీరిలో 68 మంది భద్రతా దళాల కాల్పుల్లో మరణించారు. ఈ మరణాల్లో అత్యధికం పాక్-ఇండో బోర్డర్‌లోనే చోటు చేసుకున్నాయి. పాక్ నుంచి అక్రమంగా దేశంలోకి ప్రవేశించేవారిని ఉగ్రవాదులుగా భావిస్తూ కాల్పులు జరుపుతున్నారు. ఈ కాల్పుల్లో.. ఇండో -పాక్ బోర్డర్‌లో 39 మంది మరణించారు. ఇండో - మయన్మార్‌లో 14, ఇండో - బంగ్లా సరిహద్దుల్లో 15 మంది చనిపోయారు. అయితే, దేశంలోకి అత్యధిక చొరబాట్లు బంగ్లాదేశ్, మయన్మార్‌ నుంచే జరుగుతున్నాయని కేంద్ర హోం శాఖ గణంకాలు తెలుపుతున్నాయి.

ఈ ఏడాది దేశంలోకి చొరబడుతూ పట్టుబడినవారు, చనిపోయినవారి వివరాలు ఇలా ఉన్నాయి.