Election Commission of India: సీపీఐకి జాతీయ పార్టీ హోదా రద్దు.. మరో 2 పార్టీలకు కూడా..

Election Commission of India: తృణమూల్ కాంగ్రెస్, నేషనలిస్ట్ కాంగ్రెస్ పార్టీ, కమ్యూనిస్ట్ పార్టీ ఆఫ్ ఇండియా (సీపీఐ) జాతీయ పార్టీ హోదాను.. భారత ఎన్నికల సంఘం (ఈసీఐ) సోమవారం ఉపసంహరించుకుంది. ఆమ్ ఆద్మీ పార్టీకి జాతీయ పార్టీ హోదా కల్పించింది. ఢిల్లీ దాటిన ఆప్.. పంజాబ్‌లో అధికారంలోకి వచ్చింది. ఆ తర్వాత గుజరాత్ సహా పలు రాష్ట్రాల్లో పోటీ చేసింది. రెండు పార్లమెంటు ఎన్నికలు, 21 రాష్ట్రాల అసెంబ్లీ ఎన్నికల్లో అవకాశం కల్పించిన తర్వాత గుర్తింపు పొందిన మూడు జాతీయ పార్టీలు.. AITC, CPI, NCP జాతీయ పార్టీ హోదాను ఉపసంహరించుకుంటున్నట్లు.. ఎన్నికల సంఘం ప్రకటించింది.

నాగాలాండ్‌లో NCP, లోక్ జనశక్తి పార్టీ, మేఘాలయలో AITC, వాయిస్ ఆఫ్ పీపుల్ పార్టీ, త్రిపురలోని తిప్ర మోతాకు గుర్తింపు పొందిన రాష్ట్ర రాజకీయ పార్టీగా హోదా లభించింది. PDA మణిపూర్, PMK పుదుచ్చేరి, RLD ఉత్తరప్రదేశ్, BRS ఆంధ్రప్రదేశ్, RSP పశ్చిమ బెంగాల్, MPC మిజోరంలో పార్టీలు గుర్తింపును ఉపసంహరించుకున్నట్టు.. ఎన్నికల సంఘం వెల్లడించింది. రాష్ట్ర విభజన తర్వాత ఏపీలో పోటీ చేయని కారణంగా.. బీఆర్ఎస్‌కు రాష్ట్ర పార్టీ గుర్తింపును రద్దు చేసినట్టు ఎన్నికల సంఘం స్పష్టం చేసింది.