పరాజయం దిశగా ఉత్తరాఖండ్ సీఎం!

ఉత్తరాఖండ్‌లో పూర్తిగా బీజేపీ హవా కొనసాగుతోంది. మొత్తం 70 స్థానాల్లో ఇప్పటికే 54 సీట్లలో బీజేపీ లీడింగ్‌లో ఉంది. కాంగ్రెస్ కేవలం 14 స్థానాల్లోనే లీడింగ్‌లో ఉంది. ఉత్తరాఖండ్ ముఖ్యమంత్రి హరీష్ రావత్ పోటీ చేస్తున్న కిచ్చా, హరిద్వార్ రూరల్ స్థానాల్లో వెనకబడ్డారు. హరిద్వార్ రూరల్‌లో బేజేపీ అభ్యర్థి యతీశ్వరానంద్ 6918 ఓట్లతో లీడింగ్‌లో ఉన్నారు. కిచ్చాలో బీజీపీ అభ్యర్థి రాజేష్ శుక్లా కూడా రావత్‌పై 3494 ఓట్ల లీడింగ్‌లో ఉన్నారు.

ఉత్తరాఖండ్‌లో 70 సీట్లకు గాను.. 54 సీట్లలో బీజేపీ పాగా వేసింది. కాంగ్రెస్ 14 సీట్లు, ఇతరులు 2 సీట్లతో లీడ్‌లో ఉన్నారు. అధికారం ఏర్పాటు చేయడానికి అవసరమైన 36 స్థానాల కంటే ఎక్కువగానే బీజేపీ పూర్తి ఆధిక్యం సంపాదించింది.